કેન્દ્રીય સ્વાસ્થ્ય મંત્રાલયે વિધાનસભા ચૂંટણીવાળા પાંચ રાજ્યોમાં કોવિડ સર્ટિફિકેટ પરથી પ્રધાનમંત્રી મોદીની તસવીર હટાવવાનો આદેશ આપ્યો છે.
પાંચ રાજ્યોમાં વિધાનસભાની ચૂંટણી જાહેર થઈ ચૂકી છે
પાંચ રાજ્યોમાં વેક્સિન સર્ટિફિકેટ પરથી પીએમની તસવીર હટાવાનો આદેશ
સ્વાસ્થ્ય મંત્રાલયનો આદેશ, કોવિન પ્લેટફોર્મ પર ફિલ્ટર લગાડાશે
પાંચ રાજ્યોમાં વિધાનસભાની ચૂંટણી જાહેર થઈ ચૂકી છે. યુપીમાં 10 ફેબ્રુઆરીથી મતદાનના પહેલા તબક્કાનો પ્રારંભ થશે. કોરોનાના મોટા પડકાર વચ્ચે ચૂંટણી કરાવવા ચૂંટણી પંચ કટિબદ્ધ છે. પાંચ રાજ્યોમાં વિધાનસભાની ચૂંટણી પણ જાહેર થઈ ચૂકી હોવાથી આદર્શ આચારસંહિતા લાગુ પડી છે ત્યારે હવે કેન્દ્રીય સ્વાસ્થ્ય મંત્રાલયે એક મોટો નિર્ણય લેતા પાંચ રાજ્યોમાં કોવિડ સર્ટિફિકેટ પરથી પ્રધાનમંત્રી મોદીની તસવીર હટાવવાનો આદેશ આપ્યો છે. સૂત્રોના જણાવ્યાનુસાર આચારસંહિતા લાગુ હોવાને કારણે આ નિર્દેશ અપાયો છે.
Union Health Ministry applies filters to CoWIN software to ensure PM Modi's photo doesn't appear on vaccination certificates in 5 poll-bound states to comply with MCC norms: Sources
કોવિન પ્લેટફોર્મ પર ફિલ્ટર લગાડવાનો આદેશ
સત્તાવાર સૂત્રોએ જણાવ્યું કે આદર્શ આચારસંહિતા લાગુ પડ્યા બાદ યુપી, ઉત્તરાખંડ, પંજાબ, ગોવા અને મણિપુરમાં કોરોના વેક્સિનેશન પ્રમાણપત્રો પરથી પ્રધાનમંત્રી મોદીની તસવીર હટાવવાનો નિર્ણય લેવાયો છે. આ માટે સ્વાસ્થ્ય મંત્રાલયે કોવિન પ્લેટફોર્મ પર જરુરી ફિલ્ટર લગાડશે અને આ રીતે પાંચ રાજ્યોના વેક્સિન સર્ટિફિકેટ પર પીએમ મોદીની તસવીર જોવા નહીં મળે.
આ 5 રાજ્યોમાં થવાની છે ચૂંટણી
ચૂંટણી પંચે શનિવારે પાંચ રાજ્યો યુપી, ઉત્તરાખંડ, પંજાબ મણિપુર અને ગોવામાં વિધાનસભાની ચૂંટણીની જાહેરાત કરી છે. આ પાંચ રાજ્યોમાં 10 ફેબ્રુઆરીથી 7 માર્ચ સુધી સાત તબક્કામાં મતદાન થશે અને 10 માર્ચે મતગણતરી થશે.