ચીન સાથે સરહદ વિવાદ બાદ આજે પહેલીવાર પીએમ મોદી અને શી જિનપિંગ આમનેસામને આવ્યા, પીએમ મોદીએ વર્ચ્યુઅલી SCO સંમેલનમાં ભાગ લીધો.
પીએમ મોદીએ નામ લીધા પાક-ચીનને લીધા આડે હાથ
શાંઘાઈ કૉર્પોરેશન ઓર્ગેનાઈઝેશનની બેઠકમાં સામેલ થયા પીએમ મોદી
ચીની રાષ્ટ્રપતિ અને પાકિસ્તાની પીએમને કર્યા ઇગ્નોર
SCO સમિટ
વડાપ્રધાન નરેન્દ્ર મોદીએ આજે ભારત તરફથી શાંઘાઈ સહયોગ સંગઠનની બેઠકમાં ભારતનું પ્રતિનિધિત્વ કર્યું જેમાં સરહદ પર ચાલતા વિવાદ વચ્ચે પહેલીવાર પીએમ મોદી અને શી જિનપિંગ સામસામેં આવ્યા અને આ બેઠકમાં ઇમરાન ખાન પણ સામેલ થયા હતા.
ચીન-પાકને કર્યા ઈગ્નોર
જોકે આ બેઠકમાં પીએમ મોદીએ પોતાના સંબોધનની શરૂઆતમાં અને સંબોધનના અંતમાં ચીન અને પાકિસ્તાનને નજરઅંદાજ કર્યા. આખી મિટિંગમાં જાણે મોદીએ જિનપિંગને ઇગ્નોર કર્યા અને પીએમ મોદીના ભાષણ દરમિયાન જિનપિંગ અને ઈમરાન ખાન ડાફોળીયા મારતા દેખાઈ રહ્યા હતા. જોકે પીએમ મોદીએ કોઈનું પણ નામ લીધા વિના કહ્યું કે SCOમાં કેટલાક દેશો દ્વિપક્ષીય મુદ્દા ઉઠાવવાના પ્રયત્ન કરી રહ્યા છે પણ આ SCOના ચાર્ટર વિરુદ્ધ છે.
આ રીતે માર્યો ટોણો
It is unfortunate that there are unnecessary attempts to bring bilateral issues in the SCO agenda, which is in violation of SCO Charter and Shanghai spirit: Prime Minister Narendra Modi at the 20th Summit of SCO Council of Heads of State pic.twitter.com/AYc0w5FSKe
પીએમ મોદીએ કહ્યું કે અમે હંમેશા આતંકવાદ, ડ્રગ્સ અને મની લોન્ડરીંગ વિરુદ્ધ અવાજ ઉઠાવ્યો છે. ભારત SCOના ચાર્ટર અનુસાર કામ કરવા માટે કટિબદ્ધ છે પણ દુર્ભાગ્યપૂર્ણ છે કે SCOના એજંડામાં વારંવાર અનાવશ્યક રૂપથી દ્વિપક્ષીય મુદ્દા ઉઠાવવાના પ્રયત્ન કરી રહ્યા છે, જે scoના સ્પિરિટનું ઉલ્લંઘન છે.
શાંઘાઈ સહયોગ સંગઠનની આ સંમેલનનું આયોજન આ વખતે રશિયા તરફથી કરવામાં આવી રહ્યું છે અને આ ગ્રૂપમાં ચીન, કઝાકિસ્તાન, કિર્ગિસ્તાન, તજાકિસ્તાન, પાકિસ્તાન, ઉઝબેકિસ્તાન જેવા દેશોનો સમાવેશ પણ થાય છે.