ગૃહમાં ભૂકંપ આવવાનો હતો 5 વર્ષ થયા પરંતુ આવ્યો નહીં: PM મોદી

પ્રધાનમંત્રી મોદીએ આજે લોકસભઆના સમાપન સત્રમાં પોતાનું સંબોધન કર્યું. મોદીએ સરકાર વિપક્ષના તમામ સાંસદોના વખણા કર્યા. સાથે રાહુલ ગાંધીની ગળે મિલવાની ઘટના પર નામ લીધા વીના કટાક્ષ કર્યો.

લોકસભાના સમાપન સત્રમાં પ્રધાનમંત્રી મોદીએ પોતાના સંબોધનમાં પોતાની સરકારના વખાણ તો કર્યા. સાથે વિપક્ષના પણ વખાણ કર્યા. તો પોતાની બહૂમતિવાળી સરકારને લઈ કહ્યું કે આઝાદી પછી પહેલી વખત કોંગ્રેસના ગોત્રવાળી સરકાર બની હતી. કોંગ્રેસનું ગોત્ર નથી એવી પહેલી ગઠબંધનવાળી સરકાર અટલજીની હતી અને પૂર્ણ બહુમતવાળી સરકાર 2014માં બની હતી.

તો વિપક્ષની વિપક્ષની પણ પ્રશંસા કરતા પ્રધાનમંત્રી મોદીએ કહ્યું કે જો 5 વર્ષના લેખાજોખા જોવામાં આવે તો વિપક્ષે શક્તિ વધારવાનું કામ કર્યું. ગૃહમાં તમામ સાથીઓનું આમાં ગૌરવપૂર્ણ યોગદાન છે.



મોદીએ મહિલા સાંસદોને લઈ કહ્યું કે 16મી લોકસભા પર આ વાત માટે ગર્વ કરીશું કે દેશમાં થયેલી તમામ ચૂંટણીઓમાં આ વખતની ચૂંટણીમાં મહિલાઓની ભાગીદારી સૌથી વધારે હતી. 44 મહિલા સાંસદો પહેલી વખત આવી છે. તમામ મહિલાઓએ તેમની હાજરી નોંધાવી હતી. જેથી આપણે તેમનું અભિવાદન કરવુ જોઈએ.

તો કોંગ્રેસ પર નિશાન સાધતા પ્રધાનમંત્રીએ કહ્યું કે અમે ક્યારેક-ક્યારેક સાંભળતા હતા કે ગૃહમાં ભૂકંપ આવશે. અમારો 5 વર્ષનો કાર્યકાળ પૂરો થઈ રહ્યો છે પરંતુ હજુ ભૂકંપ આવ્યો નથી. તો રાહુલ ગાંધીના ગળે મળવા પર પણ આડકતરી રીતે નિશાન સાધ્યું હતું.

પોતાના સંબોધનના અંતમાં પ્રધાનમંત્રી મોદીએ નતમસ્તક થઈને તમામ સાંસદોનો આભાર માન્યો હતો. તેમણે કહ્યું હતું પહેલી વખત અહીં આવ્યો છું તો ઘણી વસ્તુ નવી જાણવા માટે મળી હંસી-ખુશી વચ્ચે અમારો કાર્યકાળ પસાર થયો. ઘણું નવું શીખ્યો છું. પહેલી ઈનિંગમાં તમે જે મદદ કરી છે તેનો આભારી છું. મોદીએ દરેક સ્ટાફનો પણ ધન્યવાદ માન્યો હતો. આમ સત્રનો અંતિમ દિવસ પૂર્ણ થયો. હવે નવી સરકાર આ સંસદમાં બિરાજમાન થશે.