2022 ELECTIONS / ભલે 5 રૂપિયા ડોનેશન આપે પરંતુ દરેક આપણી સાથે જોડાવા જોઈએ : પેજ સમિતિના કાર્યકરોને PM મોદીની હુંકાર

• PM મોદીએ નમો એપ દ્વારા ભાજપના કાર્યકરોનું સંબોધન કર્યું  
• PM મોદીએ  ચૂંટણી પ્રક્રિયા અંગે પોતાની પ્રતિક્રિયા આપી 
• પેજ પ્રમુખોને વોટિંગ વધારવાની સલાહ આપી 

PM મોદીએ નમો એપ દ્વારા ભાજપના કાર્યકરોનું સંબોધન કર્યું  

નમો એપ દ્વારા ભાજપના કાર્યકરોને સંબોધન કરતાંની સાથે કોરોનાકાળમાં કેન્દ્ર સરકારની કામગીરી, સંગઠનની કામગીરી અંગે કાર્યકર્તાઓ સાથે ચર્ચા કરી હતી. આ ઉપરાંત તેમણે ગુજરાતના અનેક પેજ પ્રમુખો સાથે વાત કરી હતી. PM મોદીએ ગુજરાત ભાજપના પેજ પ્રમુખો સાથેના સંવાદમાં તેમની કામગીરીને બિરદાવતા કહ્યું કે, ઘણા સમયથી તમારી સાથે વાત કરવાની ઈચ્છા હતી. મારી પહેલી ઓળખ એક કાર્યકર્તા તરીકેની છે.  . 

PM મોદીએ  ચૂંટણી પ્રક્રિયા અંગે પોતાની પ્રતિક્રિયા આપી 

તેમણે કહ્યુ કે, આપણી ચૂંટણી પ્રક્રિયા અનેક દેશો માટે બેન્ચમાર્ક જેવી છે. ભારતની દરેક સંવિધાનિક સંસ્થાએ ચૂંટણી પંચના ગરિમાની રક્ષા કરી છે. દરેક રાજકીય પાર્ટીએ ઈલેક્શન પંચના આદેશનો પાલન કર્યો છે. આજે કાર્યક્રમમા જોડાયેલા અનેક લોકો એવા છે જે ફર્સ્ટ ટાઈમ વોટર છે. આવા લોકોને માલૂમ નહિ હોય કે ભૂતકાળમાં અલગ અલગ ઉમેદવારોના નામના અલગ અલગ બોક્સ હતા, જેમાં લોકો મતદાન કરતા હતા. તે સમયથી નીકળીને હવે ઈવીએમથી મતદાન થાય છે. એક સમયે વોટની ગણતરી અનેક દિવસો સુધી ચાલતી, પણ ઈવીએમની મદદથી ગણતરીના કલાકમાં પરિણામ આવી જાય છે. 

પેજ પ્રમુખોને વોટિંગ વધારવાની સલાહ આપી 

પેજ પ્રમુખોને સલાહ આપતા પીએમ મોદીએ કહ્યુ કે, ભારતની સૌથી પહેલી ચૂંટણીમાં 45 ટકા લોકોએ મતદાન કર્યુ હતું, 2019ના ગત લોકસભા ચૂંટણીમાં 67 ટકા મતદાન થયુ હતું. મતદાતા વધ્યા છે. શહેરી વિસ્તારોમા વોટિંગની ટકાવારી ઓછી હોય છે. લોકો સોશિયલ મીડિયા પર ચર્ચા કરે છે, પણ વોટ આપવા જતા નથી. પેજ પ્રમુખો સંકલ્પ લઈ શકે છે, કોઈ પણ ચૂંટણીમાં મારા મત વિસ્તારમાં 75 ટકા વોટિંગ જરૂર કરાવીશ. મને આજના યુવાઓનો ઉત્સાહ જોઈને તેમની પાસેથી આશા છે. વોટિંગ વધારવા માટે પેજ પ્રમુખો પ્રયાસ કરે.  

પેજ સમિતિના કાર્યકરોને PM મોદીની હુંકાર

તેમણે વધુમાં ઉમેર્યું હતું કે,  પેજ સમિતિના પ્રમુખોને જણાવ્યું હતું કે, ભારતીય જનતા પાર્ટી દર વર્ષે એક માઈક્રો ડોનેશન કાર્યક્રમનું આયોજન કરે છે. હાલમાં પણ માઈક્રો ડોનેશનનો કાર્યક્રમ ચાલી રહ્યો છે. તેમણે કહ્યું કે, નમો એપ પર જઈને માઈક્રો ડોનેશન એટેલે સુક્ષ્મ દાન જેમ કે, 56 રૂપિયા, 10 રૂપિયા , 20 રૂપિયા  દાન કરી શકાય છે. જેનું એક અભિયાન ચાલી રહ્યું છે.  ભાજપ હંમેશા સંગઠનની શક્તિને મહત્વ આપે છે. હું તામમ પેજ સમિતિના પ્રમુખોને આગ્રહ કરું છું. આ માઈક્રો ડોનેશનના કામમાં આપના પેજ જેટલા નામો છે. તેમની સાથે લઈને આગળ વધો પછી ભલેને તેઓએ 5 રૂપિયાનું ડોનેશન કર્યું હોય