IPLIN
 
  • Home
  • India
  • pm narendra modi at cii plenary session talks about economy during coronavirus lockdown highlights

CII / PM મોદીએ આત્મનિર્ભર ભારત માટે ઉદ્યોગપતિઓને આપ્યો '5 આઈ'નો મંત્ર

Team VTV 11:50 AM, 02 Jun 20 | Updated: 11:58 AM, 02 Jun 20
Follow us
pm narendra modi at cii plenary session talks about economy during coronavirus lockdown highlights

વડાપ્રધાન નરેન્દ્ર મોદી (PM Modi) એ આજે ભારતીય ઉદ્યોગ સંઘ (CII) ના વાર્ષિક સત્રને સંબોધન કરતાં કહ્યું કે કોરોનાવાયરસ સામે લડવા કડક પગલા લેવા સાથે આપણે અર્થવ્યવસ્થાને આગળ વધારવી પડશે. મને ભારતની ક્ષમતા, પ્રતિભા અને ટેકનીક અને નવીનતા પર વિશ્વાસ છે. મને ખેડુતો, એમએસએમઇ અને ઉદ્યોગ દિગ્ગજો પર વિશ્વાસ છે. તેથી, હું વિશ્વાસ સાથે કહી શકું છું કે દેશ વિકાસના માર્ગ પર પાછો આવશે.

  • CIIના વાર્ષિક સંબોધનમાં PM Modiએ કહી આ મહત્વની વાત
  • PM Modiએ આત્મનિર્ભર ભારત માટે '5 આઈ'ને ગણાવ્યા મુખ્ય
  • અર્થવ્યવસ્થાને આગળ વધારવા માટે જરૂરી છે આ પગલાં

જાણી લો PM મોદીના '5 આઈ' શું છે?

પ્રધાનમંત્રીએ કહ્યું કે ભારતને ઝડપી વિકાસના માર્ગ પર પાછા લાવવા માટે આત્મનિર્ભર ભારતનું નિર્માણ કરવા 5 બાબતો ખૂબ મહત્વની છે. ઉદ્દેશ, સમાવેશ, રોકાણ, ઇન્ફ્રાસ્ટ્રક્ચર અને નવીનતા.  ( Intent, Inclusion, Investment, Infrastructure અને Innovation)હાલમાં જ લીધેલા મોટા નિર્ણયોમાં આ બધાની ઝલક મળશે. અમારા માટે સુધારો એ રેન્ડમ અથવા છૂટાછવાયા નિર્ણયો નથી. અમારા માટે સુધારણા પ્રણાલીગત, આયોજિત, એકીકૃત, આંતર-કનેક્ટેડ અને ભાવિ પ્રક્રિયા છે. અમારા માટે સુધારાઓનો અર્થ છે નિર્ણયો લેવાની હિંમત રાખવી અને તેમને તાર્કિક નિષ્કર્ષ પર લઈ જવું.

પ્રધાનમંત્રી મોદીનું આ સંબોધન એવા સમયે થઈ રહ્યું છે જ્યારે લૉકડાઉનમાં પાબંધી સિવાય ઢીલ પણ આપવામાં આવી રહી છે અને કંપનીઓ ફરી શરૂ થઈ છે અને કારખાના ખૂલી ચૂક્યા છે. કોરોના વાયરસ મહામારીની સ્થિતિ માટે કેન્દ્ર સરકારે 25 માર્ચથી દેશમાં લોકડાઉન લાગૂ કર્યું હતું અને તેને 4 ચરણમાં 31 મે સુધી ચાલ્યું. 

વાર્ષિક સત્રની મુખ્ય બાબત ગેટિંગ ગ્રોથ બેક રહી

વીડિયો કોન્ફરન્સિંગથી થનારો CIIની સ્થાપનાના 125મા વર્ષની ઉજવણીનો અવસર છે. ઉદ્યોગ સંગઠનની સ્થાપના 1895માં થઈ હતી. સીઆઈઆઈના 125મા વાર્ષિક સત્રની મુખ્ય બાબત ગેટિંગ ગ્રોથ બેક એટલે કે વૃદ્ધિના પથ પર ફરી પાછા ફરવું એ છે. 

વર્ચ્યુઅલ ઈવેન્ટમાં આ હસ્તીઓ લેશે ભાગ

આખો દિવસ ચાલનારી આ વર્ચ્યુઅલ ઇવેન્ટમાં પિરામલ ગ્રુપના ચેરમેન અજય પિરામલ, આઇટીસી લિમિટેડના અધ્યક્ષ અને મેનેજિંગ ડિરેક્ટર (સીએમડી) સંજીવ પુરી, બાયકૉનનાં સીએમડી કિરણ મઝુમદાર શૉ, સ્ટેટ બેંક ઓફ ઇન્ડિયા (SBI) ના અધ્યક્ષ રજનીશ કુમાર, કોટક મહિન્દ્રા બેંક ઉદય કોટક, ચીફ એક્ઝિક્યુટિવ ઓફિસર અને સીઆઈઆઈના નામાંકિત અધ્યક્ષ અને સીઆઈઆઈના પ્રમુખ વિક્રમ કિર્લોસ્કર જેવા કોર્પોરેટ જગતના ટોચના પ્રતિનિધિઓ ભાગ લેશે.

PM modi CII Video Conference lockdown Coronavirus Economy પીએમ મોદી આત્મનિર્ભર ભારત લૉકડાઉન
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ