PM મોદી ગુજરાત પ્રવાસે આવ્યા છે. ત્યારે આજે ગાંધીનગર કમલમ ખાતે ચૂંટણીલક્ષી હાઈલેવલ બેઠક યોજી શકે છે.
PM મોદીની ગાંધીનગર કમલમ પહોંચ્યા
આગેવાનો સાથે કરશે ચૂંટણીલક્ષી હાઈલેવલ બેઠક
CM ભૂપેન્દ્ર પટેલ, પ્રદેશ ભાજપ પ્રમુખ સી.આર. પાટીલ સહીતના રહ્યા હાજર
ગુજરાત ચુંટણીને લઇને રિકોર્ડબ્રેક સીટો સામે સાથે સરકાર રચવા ભાજપનો એક એક કાર્યકર્તા મહેનતમાં લાગ્યો છે. જેના ભાગરુપે વડાપ્રાધાન નરેન્દ્ર મોદી પણ ગુજરાતના 3 દિવસના પ્રવાસે આવ્યા છે. જે દરમિયાન આજે વડાપ્રધાન મોદીએ ધોરાજી, અમરેલી અને બોટાદ ખાતે જંગી સભાને સંબોધન કર્યા બાદ સાંજે વડાપ્રધાન મોદી ગાંધીનગર કમલમ ખાતે પહોંચ્યા છે. જેને લઇને CM ભૂપેન્દ્ર પટેલ અને પ્રદેશ ભાજપ પ્રમુખ સી.આર. પાટીલ, મહામંત્રી રત્નાકર પણ કમલમમાં હાજર રહ્યા હતા.
કમલમમાં ભાજપના આગેવાનો સાથે બેઠક
વિધાનસભા ચુંટણીને લઇને પીએમ મોદીએ ભાજપના આગેવાનો સાથે બેઠક કરી છે. જેમાં ચુંટણી પ્રચાર, વિપક્ષની રણનીતિ અને વડાપ્રધાન નરેન્દ્ર મોદીના આગામી કાર્યક્રમને લઇને ચર્ચા કરવામાં આવી હતી. ઉલ્લેખનીય છે કે 27 વર્ષની સત્તા અને શાસન ટકાવી રાખવા માટે આ ચુંટણી મહત્વનો ભાગ ભજવતી હોવાથી ભાજપ એડી ચોટીનું જોર લાગવી રહ્યું છે અને ગત ચુંટણીમાં જે બેઠકોમાં થાપ ખાવાનો વારો આવ્યો હતો. જેને કવર કરવા ભાજપ રણનીતિ મુજબ આગળ વધી રહ્યું છે.
3 દિવસના ગુજરાત પ્રવાસે છે PM મોદી
ગુજરાત વિધાનસભાની ચૂંટણીના પ્રથમ તબક્કાના મતદાનને હવે ગણતરીના દિવસો બાકી રહ્યા છે. ત્યારે ભાજપ, કોંગ્રેસ અને આપ સહિતની પાર્ટીઓ પ્રચંડ પ્રચારમાં લાગી છે. પાર્ટીના દિગ્ગજ નેતાઓ ઉપરા ઉપરી ગુજરાતના પ્રવાસે આવી રહ્યા છે અને સભાઓ ગજવી રહ્યા છે. ત્યારે ગુજરાત સર કરવા વડાપ્રધાન નરેન્દ્ર મોદી અને કેન્દ્રીય ગૃહમંત્રી અમિત શાહ મેદાનમાં ઉતર્યા છે. મોદી હાલ 3 દિવસના ગુજરાત પ્રવાસે આવ્યા છે.