BIG NEWS / મફતની ઘોષણાથી PM મોદી નારાજ: BJPના આ CMએ હાઈકમાન્ડને પૂછ્યા વગર કરી દીધી મોટી જાહેરાતો, શાહ પણ નારાજ

• હિમાચલના સીએમે મફત સેવાઓની જાહેરાત કરી
• આપ પાર્ટીની લાઈન પર ચાલવા પર હાઈકમાન્ડ નારાજ
• પીએમ મોદી સહિત અમિત શાહ પણ નારાજ હોવાનું સામે આવ્યું

હિમાચલ પ્રદેશના મુખ્યમંત્રી જયરામ ઠાકુર દ્વારા હિમાચલ દિવસ પર કરવામાં આવેલી મફત જાહેરાતોથી પ્રધાનમંત્રી મોદી નારાજ હોવાનું કહેવાય છે, કારણ કે હિમાચલમાં મફત વિજળી, પાણી અને મહિલા માટે અડધુ બસ ભાડૂ કરવાથી ભાજપ શાસિત અન્ય રાજ્યો પર તેનું પ્રેશર આવી શકે છે. 

સૂત્રોનું માનીએ તો, ભાજપ હાઈકમાન્ડને પૂછ્યા વગર હિમાચલ પ્રદેશમાં મફત સેવાઓની જાહેરાત કરવામાં આવી છે. કહેવાય છે કે, આ મુદ્દા પર પ્રધાનમંત્રી મોદીએ ભારતીય જનતા પાર્ટીના રાષ્ટ્રીય અધ્યક્ષ જેપી નડ્ડા સાથે વાત પણ કરી છે અને મફત સેવા પર તેમને પણ નારાજગી વ્યક્ત કરી છે. 

અમિત શાહે AAPના રસ્તે જવા પર નારાજગી વ્યક્ત કરી

સૂત્ર જણાવે છે કે, સત્તાધારી ભાજપ દ્વારા રાજ્યમાં જેટલી પણ આમ આદમી પાર્ટીની કોપી કરવામાં આવી છે, તેને લઈને અમિત શાહ પણ નારાજ હોવાનું કહેવાય છે, કારણ કે, છેલ્લા એક અઠવાડીયા દરમિયાન ભાજપના ટાર્ગેટ પર આમ આદમી પાર્ટી રહી છે. ભાજપના તમામ નેતા સતત આપ પર પ્રહારો કરી રહ્યા છે. આવી કરીને ભાજપ પોતાનો વિરોધી એ પાર્ટીને માની રહી છે, જે થોડા સમય પહેલા જ રાજ્યમાં એન્ટ્રી લીધી છે. 

18 રાજ્યોમાં ભાજપની સરકાર

દેશમાં હાલના સમયમાં 18 રાજ્યોમાં ભાજપની સરકારો છે. હિમાચલમાં મફત વિજળી, પાણી અને મહિલાઓ માટે અડધુ ભાડૂ કર્યા બાદ અન્ય રાજ્યો પર પણ તેની અસર વર્તાઈ શકે છે. ગુજરાતમાં પણ હિમાચલની સાથે સાથે વિધાનસભા ચૂંટણી આવી રહી છે. સ્વાભાવિક છે કે, ગુજરાતમાં પણ હિમાચલની માફક મફત સેવાઓ આપવાનું પ્રેશર આવી શકે છે. એટલા માટે ભાજપ હાઈકમાન્ડ મફત સેવાઓથી નારાજ છે. 

આમ જોવા જઈએ તો, પ્રધાનમંત્રી મોદી મોટા ભાગ જયરામ ઠાકુરના વખાણ કરતા હોય છે. તાજેતરમાં પણ પીએમ મોદીએ હિમાચલ દિવસ પર મુખ્યમંત્રી જયરામ ઠાકુરની પીઠ થબથબાવી હતી, પણ મફતની જાહેરાતોથી મોદી નારાજ હોવાનું કહેવાય છે. 

મુખ્યમંત્રી જયરામ ઠાકુરે કરી હતી આ જાહેરાત

હિમાચલ દિવસ પર મુખ્યમંત્રી જયરામ ઠાકુરે 125 યુનિટ મફત વિજળી, હિમાચલ પ્રદેશ પથ પરિવહન નિગમની બસોમાં મહિલાઓના ભાડામાં 50 ટકાની છૂટ, ગ્રામિણ વિસ્તારોમાં પાણીનું બિલ માફ કરવાની જાહેરાત કરી છે, જ્યારે ભાજપ નેતા મફત સેવાઓને લઈને મોટા ભાગે આમ આદમી પાર્ટી પર પ્રહારો કરી, તેને ટાર્ગેટ કરતા હોય છે. ત્યારે આવા સમયે સોશિયલ મીડિયા પર મફત સેવાઓને લઈને એક ધડો ભાજપની મજાક ઉડાવી રહ્યો છે.