નિવેદન / પહેલી વખત PM મોદી અફઘાનિસ્તાન મામલે ખૂલીને બોલ્યા, તાલિબાનને લાગશે મોટો ઝટકો

• અફઘાનિસ્તાન મુદ્દે PM મોદીનું મોટુ નિવેદન 
• SCO સમિટમાં વડાપ્રધાન મોદીએ કહી મોટી વાત 
• અસ્થિરતા અને કટ્ટરવાદનું કેન્દ્ર બનશે અફઘાનિસ્તાન: PM મોદી 

વડાપ્રધાન મોદીએ આજે SCO સમિટમાં અફઘાનિસ્તાન મુદ્દે મોટું નિવેદન આપ્યું. જેમા તેમણે કહ્યું કે અફઘાનિસ્તાનમાં સત્તા પરિવર્તન પણ કોઈ પણ વાતચીત વગર થયું છે. સાથેજ તેમણે કહ્યું ત્યા હવે અસ્થિરતા અને કટ્ટરવાદ બન્યું રહેશે. જેના કારણે વિશ્વમાં આતંકવાદીઓને સાથે કટ્ટરવાદી વિચારધારાઓને વધારો મળશે. 

ઉગ્રવાદી સમૂહોને પ્રોત્સાહન મળશે 

આ ઉપરાંત PM મોદીએ કહ્યું કે અફઘાનિસ્તાનની પરિસ્થિતીને લઈને અન્ય ઉગ્રવાદી સમૂહોને પણ હિંસાના માધ્યમથી સત્તા મેળવવા માટે પ્રોત્સાહન મળી શકે છે. વધુમાં તેમણે કહ્યું કે બધા દેશો પહેલાથી આતંકવાદને કારણે હેરાન છે. જેથી આપણે બધા ભેગા મળીને સુનિશ્ચિત કરવું પડશે કે અફઘાનિસ્તાનની ધરતીનો ઉપયોગ આતંકવાદ ફેલાવા માટે ન થાય 

ક્ટ્ટરતા એક ચિંતાનો પ્રશ્ન 

આ સિવાય વડાપ્રધાન મોદીએ SCO સમિટમાં સંબોધન આપતાઅફઘાનિસ્તાન મુદ્દે કહ્યું કે ત્યા જે રીતે કટ્ટરતા વધી રહી છે. તે ચિંતાનો વિષય બન્યો છે. સાથેજ તેમણે કહ્યું કે અફઘાનિસ્તાનમાં શાતિ સુરક્ષા અને સલામતી હાલમાં સૌથી મોટો પડકાર છે. 

સેન્ટ્રલ એશિયા સાથે ભારત કનેક્ટિવીટી વધારશે 

વધુમાં તેમમે કહ્યું કે અફઘાનિસ્તાનમાં સૌથી મોટો પડકાર કટ્ટરતા છે. PM મોદીએ કહ્યું કે કટ્ટરપંથ સામેની લડાઈ માત્ર ક્ષેત્રીય સુરક્ષા સુધી નથી પરંતુ યુવાઓના ઉજ્જવળ ભવિષ્ય માટે પણ આવશ્યક છે. આ સમિટમાં PM મોદી એવુ પણ બોલ્યા કે ભારત સેન્ટ્રલ એશિયા સાથે તેમની કનેક્ટિવિટી વધારવા માટે પ્રતિબદ્ધ છે. 

એશયાઈ દેશે ભારતના વિશાળ માર્કેટનો લાભ લઈ શકે છે

PM મોદીએ SCO સમીટમાં એવું પણ કહ્યું કે સેન્ટ્રલ એશિયાઈ દેશોને ભારતના વિશાળ માર્કેટથી અપાર લાભ થઈ શકે છે. સાથેજ તેમમે કહ્યું કે કનેક્ટિવિટીની કોઈ પણ પહેલ વન વે સ્ટ્રિટ ન હોઈ શકે. 

SCOમાં ઈરાનનું કર્યું સ્વાગત 

સમગ્ર મામલે વડાપ્રધાન બોલ્યા કે કે મધ્ય એશિયાનું ક્ષેત્ર પ્રોગ્રેસિવ ક્લ્ચર અને વેલ્યૂનું ગઢ રહ્યું છે. સુફીવાદ જેવી પરંપરા પણ અહીયા વર્ષોથી ચાલી રહી છે સાથેજ સમગ્ર વિશ્વમાં પણ ફેલાઈ રહી છે. SCOમાં આ વર્ષે ઈરાન પણ જોડાયું હતું જેનું તેમણે સ્વાગત કર્યું. સાથેજ તેમણે સાઉદી અરબ, ઈજિપ્ત અને કતારનું પણ તેમણે સ્વાગત કર્યું હતું.