VIDEO / સરકારી કચેરીમાંથી પરાણે ઉતરાવ્યો PM મોદીનો ફોટો, મહિલાને જુઓ કેવી હડસેલી દીધી

• તમિલનાડૂનો વીડિયો વાયરલ
• પંચાયત ઓફિસમાંથી પીએમ મોદીનો ફોટો હટાવ્યો
• વિવાદ વધતા ફોટો ફરી પાછો લગાવી દીધો

તમિલનાડૂના તંજાવુર જિલ્લામાં આવેલી એક સરકારી ઓફિસમાંથી પીએમ મોદીની તસ્વીરને બળજબરી પૂર્વક હટાવામાં આવી હતી. તેને લઈને એક વીડિયો પણ વાયરલ થઈ રહ્યો છે. પંચાયત કાર્યાલયમાંથી પીએમ મોદીની તસ્વીર હટાવવાને લઈને ભાજપ નેતાઓને વાંધો પડ્યો છે. 

Thanjavur District, Veppathur town panchayat President was forced by her husband Mathiyalagan to remove PM @narendramodi picture from govt office. This Mathiyalagan who is working staff in union office had also warned municipality secretary not to keep PM picture in govt offices. pic.twitter.com/O4WgGKi3ED

— CTR.Nirmal kumar (@CTR_Nirmalkumar) April 13, 2022

વેપ્પાથુર નગર પંચાયતના અધ્યક્ષના પતિએ બળજબરીથી હટાવી તસ્વીર

હકીકતમાં જોઈએ તો, પ્રાપ્ત વિગતો અનુસાર કહેવાય છે કે, તંજાબુર જિલ્લાના વેપ્પાથુર નગર પંચાયત અધ્યક્ષે પંચાયત ઓફિસમાંથી પીએમ મોદીની તસ્વીર લગાવી રાખી હતી. પણ નગર પંચાયત અધ્યક્ષના પતિને આ વાતની જાણ થઈ કે ઓફિસમાં પીએમ મોદીનો ફોટો લાગેલો છે, તો તેમણે ઓફિસમાં જઈને ભારે હોબાળો મચાવ્યો હતો અને પીએમ મોદીની તસ્વીર હટાવી દીધી હતી.

તમિલનાડૂ ભાજપ આઈટી સેલ પ્રમુખે વીડિયો શેર કર્યો

રાજ્યમાં ભાજપ કમિટિના આઈટી સેલના અધ્યક્ષ નિર્મલ કુમારે આ વીડિયો સોશિયલ મીડિયા પર શેર કર્યો છે. નિર્મલ કુમારે લખ્યું છે, તંજાવુર જિલ્લા, વેપ્પાથુર નગર પંચાયત અધ્યક્ષ અને તેમના પતિ મથિયાલગને પીએમ મોદીનો ફોટો સરકારી કાર્યાલયમાંથી હટાવવા માટે મજબૂર કરવામાં આવ્યા. કેન્દ્રીય કાર્યાલયમાં કાર્યરત આ મથિયાલગને નગર પાલિકા સચિવને પણ ચેતવણી આપી હતી કે, તે સરકારી કાર્યાલયમાંથી પીએમ મોદીની તસ્વીર હટાવે.

વિવાદ વધતા ફરી ફોટો લગાવ્યો

જો કે, એવુ કહેવાયુ છે કે, બાદમાં વિવાદ વકરતા પ્રધાનમંત્રી મોદીનો ફોટો પાછો પંચાયતની ઓફિસમાં લગાવી દીધો હતો. આ સમગ્ર વિવાદમાં રાજ્ય સરકાર તરફથી કોઈ નિવેદન આવ્યુ નથી. સોશિયલ મીડિયા પર આ વીડિયોને લઈને ભારે હોબાળો મચેલો છે.