વતનમાં વડાપ્રધાન / PM મોદીએ ગાંધીનગરમાં વિદ્યા સમીક્ષા કેન્દ્રનું કર્યું નિરીક્ષણ, જુઓ શું છે ખાસિયતો

• PM નરેન્દ્ર મોદી 3 દિવસના ગુજરાત પ્રવાસ
• અમદાવાદ એરપોર્ટ પર ભવ્ય સ્વાગત
• ગાંધીનગર સ્થિત વિદ્યા સમીક્ષા કેન્દ્રની લીધી મુલાકાત

પ્રધાનમંત્રી નરેન્દ્ર મોદી 3 દિવસના ગુજરાત પ્રવાસે છે ત્યારે આજે સાંજે 6 વાગ્યે પીએમ મોદી અમદાવાદ એરપોર્ટ પર પધાર્યા હતા. જ્યાં તેમનું સ્વાગત સીએમ ભૂપેન્દ્ર પટેલ, રાજ્યપાલ આચાર્ય દેવવ્રતે કર્યું હતું. જે બાદ તેઓ સીધા ગાંધીનગર જવા રવાના થયા હતા. જ્યાં પીએમ મોદીએ વિદ્યા સમીક્ષા કેન્દ્રની મુલાકાત લીધી હતી. આ વિદ્યા સમીક્ષા કેન્દ્રથી ગુજરાત ભરની કોઈ પણ શાળાને કમાન્ડ એન્ડ કંટ્રોલ આપી શકાય તેવી વ્યવસ્થા કરવામા આવી છે. આ વ્યવસ્થાનું પીએમ મોદીએ નિરીક્ષણ કર્યું હતું. અને જરુંરી તમામ વિગતો મેળવી હતી.

Live: ગાંધીનગર સ્થિત ગુજરાતના શિક્ષણ વિભાગના અત્યાધુનિક વિદ્યા સમીક્ષા કેન્દ્રની મુલાકાત લેતા માનનીય પ્રધાનમંત્રી શ્રી નરેન્દ્રભાઈ મોદી. https://t.co/mejmh7OP2Z

— Bhupendra Patel (@Bhupendrapbjp) April 18, 2022

ગાંધીનગર વિદ્યા સમીક્ષા કેન્દ્રની ખાસિયત

• સાંજે ગાંધીનગરમાં શાળા માટેના કમાન્ડ એન્ડ કંટ્રોલ સેન્ટર (વિદ્યા સમીક્ષા કેન્દ્ર)ની મુલાકાત
• કેન્દ્રમાં દર વર્ષે 500 કરોડ કરતાં વધારે ડેટા સેટ્સ એકઠા કરાય છે
• સેન્ટરમાં ડેટા એનાલિટિક્સ, આર્ટિફિશિયલ ઇન્ટેલિજન્સથી ડેટા વિશ્લેષણ થાય છે
• પરિણામોનું કેન્દ્રીયકૃત સમુચિત અને સમયાંતર મૂલ્યાંકન થાય છે
• વિદ્યા સમીક્ષા કેન્દ્રને વિશ્વ બેંકે વૈશ્વિક શ્રેષ્ઠ પ્રેક્ટિસ માની છે

સ્વાગત કરવા ઊભેલી દીકરીઓનું ફૂલોથી સ્વાગત ખુદ PM મોદીએ કર્યુ

ગાંધીનગરમાં વિદ્યા સમીક્ષા કેન્દ્રની મુલાકાત દરમિયાન સ્વાગત કરવા ઊભેલી દીકરીઓનું ખુદ PM મોદીએ ફૂલોથી સ્વાગત કર્યુ#Pmmodi #Ahmedabad #PMModiInGujarat #Gandhinagar pic.twitter.com/yzcPXQ53Yz

— VTV Gujarati News and Beyond (@VtvGujarati) April 18, 2022

19 અને 20 એપ્રિલના દિવસભરના PM મોદીના કાર્યક્રમો
19 તારીખે તેઓ સવારે દિયોદરમાં બનાસ ડેરીના નવા સંકુલનનુ ઉદ્ઘાટન કરશે. બાદમાં બપોરે દાહોદમાં આદિવાસી મહાસંમેલનમાં હાજર રહેશે. જ્યાં 22 હજાર કરોડ રૂપિયાના વિવિધ કામોનુ ઉદ્ઘાટન અને શિલાન્યાસ કરશે. આ મહાસંમેલનમાં 2 લાખ કરતા વધારે લોકો હાજર રહેશે. ત્યાર બાદ તેઓ જામનગરમાં વિશ્નના પ્રથમ ગ્લોબલ સેન્ટર ફોર ટ્રેડિશનલ મેડિશિનનો શિલાન્યાસ કરશે. આ કાર્યક્રમમાં WHOના મહાનિર્દેશક ડૉ.ટેડ્રોસ ગેબ્રેયેસસ પણ હાજર રહેનાર છે. આ સિવાય મોરેશિયસના PM પ્રવિંદકુમાર જુગનાથ પણ હાજર રહેશે. આપને જણાવી દઈયે કે, આ સેન્ટર માટે ભારત 250 મિલિયન ડોલરનો ખર્ચ કરવા જઈ રહ્યુ છે. 20મી એપ્રિલે ગાંધીનગરમાં ગ્લોબલ આયુષ ઈન્વેસ્ટમેન્ટ એન્ડ ઈનોવેશન સમિટમાં પણ પીએમ મોદી હાજરી આપશે.આ કાર્યક્રમ મહાત્મા મંદિર ખાતે યોજાનાર છે. ઉલ્લેખનીય છે કે, ગાંધીનગરમાં આ સમિટ 20 થી 22 એપ્રિલ સુધી ચાલશે.

PM મોદીનો 19 એપ્રિલનો કાર્યક્રમ

• સવારે 9.40એ પીએમ મોદી બનાસકાંઠા બનાસ ડેરીના નવા પ્લાન્ટનું ઉદઘાટન કરશે 
• 600 કરોડ રૂપિયાના ખર્ચે બનાસ ડેરીનો નવો પ્લાન્ટ દિયોદરમાં સ્થપાયો છે 
• પ્લાન્ટમાં 30 લાખ લીટરનું દૂધનું ઉત્પાદન થશે 
• પ્લાન્ટમાં 80 ટન માખણનું ઉત્પાદન થશે 
• પ્લાન્ટમાં એક લાખ લીટર આઇસક્રીમનું ઉત્પાદન થશે 
• 20 ટન કન્ડેન્સ્ડ દૂધ (ખોયા), 6 ટન ચોકલેટનું ઉત્પાદન થશે
• પીએમ દિયોદરમાં સમુદાયિક રેડિયો સ્ટેશનનું ઉદઘાટન કરશે 
• રેડિયો સ્ટેશનમાં 1700 ગામના પાંચ લાખ પશુપાલકોને માર્ગદર્શન આપશે 
• પીએમ 100 ટનની ક્ષમતાવાળા 4 ગોબર ગેસ પ્લાન્ટનું શિલાન્યાસ કરશે 
• ખીમાના, રતનપુરા – ભીલડી, રાધનપુર અને થાવર ખાતે બનશે ગોબર ગેસ પ્લાન્ટ
• પીએમ મોદી બપોરે 3.30 વાગ્યે જામનગર જશે 
• જામનગરમાં WHO વૈશ્વિક પારંપરિક દવા કેન્દ્ર (GCTM) નો શિલાન્યાસ કરશે
• GCTM વિશ્વનું સૌથી પહેલું પારંપરિક દવાનું કેન્દ્ર બની રહ્યું છે 
• જામનગરમાં મોરેશિયસના પીએમ પ્રવિંદકુમાર જુગનાથ પણ હાજર રહેશે 
• WHOના મહાનિદેશક ડૉ. ટેડ્રોસ ગેબ્રેયેસસ પણ જામનગરમાં હાજર રહેશે

બનાસ ડેરીના નવા પ્લાન્ટની ખાસિયત શું છે ?  

• 19 એપ્રિલે PM મોદી દિયોદરમાં બનાસડેરી પ્લાન્ટનું લોકાર્પણ કરશે
• 600 કરોડના ખર્ચે દિયોદર ખાતે પ્લાન્ટ તૈયાર કરાયો છે
• નવું તૈયાર કરવાં આવેલું ડેરી સંકુલ ગ્રીનફિલ્ડ પ્રોજેક્ટ છે
• દૈનિક ધોરણે અંદાજે 30 લાખ લીટર દૂધનું પ્રસંસ્કરણ થઇ શકશે
• દૈનિક 80 ટન માખણનું ઉત્પાદન, એક લાખ લીટર આઇસક્રીમ તૈયાર થશે
• 20 ટન કન્ડેન્સ્ડ દૂધ (ખોયા) અને 6 ટન ચોકલેટનું ઉત્પાદન થઇ શકશે
• નવા પ્લાન્ટથી બનસકાંઠાના સરહદી વિસ્તારના ખેડૂતોને લાભ થશે 
• ડેરીમાં બટાકા પ્રસંસ્કરણ પ્લાન્ટનું લોકાર્પણ પણ થશે
• બટાકાની વિવિધ પ્રકારની પ્રસંસ્કરણ કરેલી વસ્તુઓનું ઉત્પાદન થઇ શકશે 
• ફ્રેન્ચ ફ્રાઇઝ, બટાકાની ચીપ્સ, ચાલુ ટિક્કી, પેટીસ વગેરે બનશે
• પ્લાન્ટથી સ્થાનિક ખેડૂતોનું સશક્તિકરણ થશે 
• પ્રદેશમાં ગ્રામીણ અર્થતંત્રને ઘણો વેગ મળશે

જામનગર બનશે વિશ્વનું આયુવૈદિક હબ 

• જામનગરમાં વૈશ્વિક પારંપરિક દવા કેન્દ્રનું સેન્ટર (GCTM) બનશે 
• GCTMનું ઉદઘાટન પીએમ મોદી 19 એપ્રિલે કરશે 
• WHOના સહયોગથી વૈશ્વિક પારંપરિક દવા કેન્દ્ર સ્થપાશે 
• આ વિશ્વનું પહેલું પારંપરિક દવા કેન્દ્રનું સેન્ટર હશે 
• WHOના મહાનિર્દેશક ડો.ટેડ્રોસ ગેબ્રેયેસસ પણ ઉપસ્થિત રહેશે 
• GCTMના ઉદઘાટનમાં મોરેશિયસના PM પ્રવિંદ જુગનાથ ઉપસ્થિત રહેશે
• પરંપરાગત દવાઓ અને તબીબી પદ્ધતિઓના આધુનિક સંશોધન મદદ કરશે
• ભારત આ કેન્દ્ર માટે 250 મિલિયન ડોલરનો ખર્ચ કરશે
• વિશ્વને વધુ સારા અને સસ્તું મેડિકલ સોલ્યુશન્સ પ્રદાન કરવા મદદરૂપ થશે
• પરંપરાગત દવાઓને વૈજ્ઞાનિક આધાર સાથે વધુ અસરકારક બનાવવાનો પ્રયાસ
• 25 માર્ચે ભારત આયુષ વિભાગ અને WHO વચ્ચે હસ્તાક્ષર થયા હતા