નવી દિલ્હીઃ પ્રધાનમંત્રી નરેન્દ્ર મોદીએ સોમવારે પોતાના સંસદીય મતદાન ક્ષેત્ર વારાણસીમાં દેશના પહેલા મલ્ટી મોડલ ટર્મિનલનું ઉદ્ધાટન કર્યું. પીએમ મોદીએ ગંગા પર બનેલ મલ્ટી-મોડલ ટર્મિનલનું નિરીક્ષણ કર્યું. આ દરમિયાન યૂપીના સીએમ યોગી આદિત્યનાથ અને કેન્દ્રીય મંત્રી નિતિન ગડકરી પણ હાજર રહ્યા હતા.
ત્યારબાદ પીએમ બાબતપુરના વાઝિદપુરમાં જનસભા સ્થળ સુધી અંદાજિત 12 કિલોમીટર સુધી રોડ શો પણ કરશે. અહીં જનસભાને સંબોધિત કર્યા બાદ પીએમ મોદી વાઝિદપુર હરહુઆ ફ્લાઇઓવરના રસ્તે એરપોર્ટ જશે જે અત્યાર સુધી જનતા માટે ખુલ્યો ન હતો. પીએમ મોદી આજે કુલ 10 પરિયોજનાઓનું લોકાર્પણ અને 7 પરિયોજનાઓનો શિલાન્યાસ કરશે.