પ્રધાનમંત્રી મોદી અને પશ્ચિમ બંગાળના મુખ્યમંત્રી મમતા બેનર્જી રાજકારણમાં ભલે એકબીજાના કટ્ટર વિરોધી હોય, પણ બંને વચ્ચે પર્સનલ કેમેસ્ટ્રી શાનદાર છે.
રાજકારણની અલગ તસ્વીર દેખાઈ
મમતા દીદી અને પીએમ મોદી વચ્ચે હળવીશૈલીમાં વાતચીત
ટી બ્રેકમાં બંને નેતાઓએ ઉષ્માભરી વાતો કરી
પ્રધાનમંત્રી મોદી અને પશ્ચિમ બંગાળના મુખ્યમંત્રી મમતા બેનર્જી રાજકારણમાં ભલે એકબીજાના કટ્ટર વિરોધી હોય, પણ બંને વચ્ચે પર્સનલ કેમેસ્ટ્રી શાનદાર છે. અહીં કેમેસ્ટ્રી ત્યારે દેખાય છે, જ્યારે મમતા શનિવારે દિલ્હીમાં મુખ્યમંત્રી અને હાઈકોર્ટ્સના ચીફ જસ્ટિસો સાથે કોન્ફ્રેંસમાં ભાગ લેવામા આવ્યા હતા.આ કોન્ફ્રેંસમાં મોદી અને સીજેઆઈ એનવી રમણા પણ સામેલ થયા હતા. કાર્યક્રમમાં બ્રેક દરમિયાન પીએમ અને મમતા બેનર્જીની ચાના સમયે મુલાકાત થઈ હતી. આ દરમિયાન મોદી મમતા દીદીને લાલ મરચા પર કંઈક ટિપ્સ આપતા દેખાયા હતા. તેનો એક વીડિયો પણ સોશિયલ મીડિયા પર વાયરલ થઈ રહ્યો છે.
લાલ મરચા વિશે વાત કરી રહ્યા છે મોદી, દીદીએ ધ્યાનથી સાંભળી વાત
હકીકતમાં જોઈએ તો, વિજ્ઞાન ભવનમાં થયેલા કોન્ફ્રેંસનું ઉદ્ધાટન સત્ર સમાપ્ત થયા બાદ ટી બ્રેક થયો હતો., આ દરમિયાન પીએમ મોદી અને મમતા બેનર્જીની મુલાકાત થઈ હતી. વાયરલ વીડિયોમાં પ્રધાનમંત્રી મોદી મમતાને લાલ મરચા વિશે કંઈક વાત કરી રહ્યા છે. દીદી પણ તેમના નુસ્ખા ધ્યાનથી સાંભળી રહ્યા છે. વીડિયોમાં સીજેઆઈ એનવી રમણા પણ નજીકમાં ઉભેલા દેખાય છે.
રાજકારણમાં ભલે 36નો આંકડો હોય પણ પર્સનલ સંબંધો હુંફાળા
પીએમ મોદી અને મમતા બેનર્જી રાજકીય મંચો પર ભલે એકબીજાને કડવા શબ્દો બોલતા હોય, પણ તેમના વચ્ચે વ્યક્તિગત સંબંધો ખૂબ જ હુંફાળા રહ્યા છે. દીદી મોટા ભાગે પીએમ મોદીને બંગાળની પ્રખ્યાત કેરી મોકલતા રહે છે. ગયા વર્ષે પણ પીએમ મોદી માટે મમતાએ હિમ સાગર, માલદા અને લક્ષ્મણ ભોગ કેરી મોકલી હતી.