નિર્ણય / કોરોનાને ડામવા માટે મોદી સરકાર ઍક્શન મોડમાં, હવે મંત્રીઓને આપ્યો આ આદેશ

• જુદા જુદા  કેબિનેટ મંત્રીઓને રાજ્યની જવાબદારી સોંપાઈ 
• મહારાષ્ટ્રની જવાબદારી નીતિન ગડકરીને સોંપાઈ
• ગજેન્દ્રસિંહ શેખાવતને રાજસ્થાનની જવાબદારી

મહામારી કોરોના વાયરસથી લડવા માટે મોદી સરકાર ઍક્શનમાં છે. લૉકડાઉન દરમ્યાન ગરીબ વર્ગના લોકોને આવનારી નાણાંકીય તકલીફો દૂર કરવા માટે પહેલા સરકારે રાહત પેકેજની જાહેરાત કરી. બીજી બાજુ હવે કૅબિનેટ મંત્રીઓને રાજ્યોની જવાબદારી સોંપવામાં આવી છે. 

રાજ્યોમાં કોઈ પ્રકારની તકલીફ ન થાય અને સતત ફીડબેક લેવા માટે તમામ કેબિનેટ મંત્રીઓને રાજ્યના પ્રભારી બનાવવામાં આવ્યાં છે. આ મંત્રીઓએ દરેક રાજ્યના DM અને અધિકારીઓ સાથે રોજ વાત કરવી પડશે. તેમણે જાણવું પડશે કે સ્વાસ્થ્ય મંત્રાલય અને ગૃહ મંત્રાલયની ગાઈડલાઈન્સની પ્રક્રિયા અને પાલનમાં કોઈ તકલીફ તો નથી આવતી ને. તેમને એ પણ જાણવાનું રહેશે કે લોકોને જરૂરી સામાન મેળવવામાં કોઈ તકલીફ ન પડે. મંત્રીઓ એ વાતનો ચિતાર પણ લેશે કે જિલ્લામાં કોરોના વાયરસને લઈને કેટલાં પોઝિટિવ કેસ છે અને કેટલાં ક્વૉરાઇન્ટાઈનમાં છે. 

કયા મંત્રીને કયા રાજ્યની જવાબદારી?

• કોરોનાને લઈને કેન્દ્રીય મંત્રીઓને રાજ્યના પ્રભારી બનાવાયા
• મહારાષ્ટ્રની જવાબદારી નીતિન ગડકરીને સોંપાઈ
• ધર્મેન્દ્ર પ્રધાનને ઓડિસાની જવાબદારી સોંપાઈ
• મહારાષ્ટ્રની જવાબદારી પ્રકાશ જાવડેકરને સોંપાઈ
• બિહારની રામવિલાસ પાસવાન, રવિશંકર પ્રસાદને અપાઈ
• મુખ્તાર અબ્બાસ નકવીને ઝારખંડની જવાબદારી સોંપાઈ
• ગજેન્દ્રસિંહ શેખાવતને રાજસ્થાનની જવાબદારી
• જનરલ વિ.કે.સિંહને આસામની જવાબદારી
• યુપીની જવાબદારી રાજનાથસિંહ, જીવ બલિયાન, મહેન્દ્રનાથ પાંડે, કૃષ્ણપાલ ગુર્જર