ઓ બાપરે! / ગુજરાતીઓ ચેતજો! પિઝા હટ, લા-પીનોઝ, ડોમીનોઝના પિઝ્ઝા હેલ્થ વિભાગની તપાસમાં 'ફેલ', જુઓ ક્યાં કરવામાં આવી કાર્યવાહી

• સુરતમાં આરોગ્ય વિભાગનો સપાટો
• જાણીતી પિઝા બ્રાન્ડના નમૂના ફેલ
• 40 કિલો અખાદ્ય જથ્થાનો કરાયો નાશ

ઉનાળાને ધ્યાને રાખીને સુરતના આરોગ્ય વિભાગ દ્વારા સતત તપાસ કરવામાં આવી રહી છે. બાતમીને આધારે શંકાસ્પદ દુકાનોમાંથી તમામ ચીજ વસ્તુઓના નમૂના લઈને લેબોરેટરીમાં તપાસ માટે મોકલવામાં આવી રહ્યાં છે. થોડા સમય પહેલા શહેરમાં મોંધી આઈસ ડીશ અને આઈસ્ક્રીમ વેચતી ફ્રેન્ચાઈઝીના નમૂના ફેલ ગયા બાદ આરોગ્ય વિભાગની ટીમ દ્વારા શહેરની 6 ફ્રેન્ચાઈઝીસની દુકાનમાં પણ તપાસ કરવામાં આવી હતી. 

40 કિલો ચીઝ અને માયોનીઝનો નાશ કરાયો 
આરોગ્ય વિભાગની તપાસ દરમિયાન પિઝા હટ, લા-પીનોઝ, ડોમિનોઝ પિઝા, ગુજ્જુ કાફે સહિતની ફ્રેન્ચાઈઝીસના નમૂના ફેલ થયા હતા. જેથી આરોગ્ય વિભાગની ટીમે 40 કિલો અખાદ્ય જથ્થાનો નાશ કર્યો હતો. સુરતના આરોગ્ય વિભાગની તપાસમાં ચીઝ અને માયોનીઝની ગુણવત્તા ધારા ધોરણ પ્રમાણે ન હોવાનું સામે આવતા 40 કિલો ચીઝ અને માયોનીઝનો નાશ કરવામાં આવ્યો હતો.

પિઝા હટ, લા-પીનોઝ સહિતના નમૂના ફેઈલ
સુરત શહેરમાં પોશ ગણાતા એવા ઘોડદોડ રોડ અને પીપલોદ જેવા વિસ્તારોમાં ખાણીપીણીના વિવિધ એકમો પર આરોગ્ય વિભાગે દરોડા પાડ્યા હતા અને ખાદ્ય પદાર્થોના નમૂના લઈને ટેસ્ટિંગ માટે લેબોરેટરીમાં મોકલ્યા હતા. આ દરમિયાન પિઝા હટ ઘોડદોડ રોડ, લા-પીનોઝ પિઝા પાલનપોર, કેએસ ચારકોલ પીપલોદ, ડેન્સ પિઝા અડાજણ, ગુજ્જુ કાફે  જહાંગીરાબાદ, ડોમિનોસ પિઝા ભરથાણાના નમૂના ફેઈલ ગયા હતા. 

ચીઝ અને માયોનીઝના નમૂના ફેઈલ 
અહીં વિવિધ વાનગીઓ બનાવવામાં વપરાતા ચીઝ અને માયોનીઝના લેવામાં આવેલા સેમ્પલો ફેઇલ ગયા હતા. આ ફ્રેન્ચાઈઝીસમાંથી આશરે 40 કિલો ચીઝ અને માયોનીઝનો નાશ કરવામાં આવ્યો છે.