પેટ્રોલ અને ડિઝલના ભાવમાં સતત નોંધાઇ રહેલી વૃદ્ધિએ નવો રેકોર્ડ બનાવી દીધો છે. શુક્રવારે પેટ્રોલમાં થયેલો 1 પૈસાની વધારો અને ડિઝલની કિંમતોમાં 4 પૈસાની વૃદ્ધિના કારણે આવું થયું છે. હાલમાં પેટ્રોલની કિંમત છેલ્લા 55 મહિનાની સરખામણીમાં વધારે છે તો ડિઝલ પણ અત્યાર સુધીની સૌથી વધારે કિંમત પર પહોંચી ગયું છે.
આ નવા ભાવની અસર દેશના તમામ અલગ અલગ રાજ્યોમાં જોવા મળી રહી છે જેનો આધાર રાજ્યો ટેક્સ છે. દરેક રાજ્ય પોતાની જરૂરિયાત અનુસાર પેટ્રોલ ડિઝલ પર અલગ અલગ ટેક્સ લગાવે છે. દેશની આર્થિક રાજધાની મુંબઇ સૌથી વધારે રાજ્ય ટેક્સ ધરાવતા શહેરોમાંથી એક છે. જ્યાં પેટ્રોલ 55 મહિનાની સૌથી ઉંચાઇ 81.92 રૂપિયા પહોંચી ગયું છે. ચાર મહાનગરોમાં ચેન્નાઇ આ મામલામાં બીજા સ્થાન પર છે જ્યાં પેટ્રોલની કિંમત 76.85 રૂપિયા છે જ્યારે કોલકાતા અને દિલ્હીમાં ક્રમશ 76.78 રૂપિયા તથા 74.08 રૂપિયા પ્રતિ લિટર છે.
ભાવ વધારાની અસર ગુજરાતમાં પણ દેખાઈ રહી છે. રાજ્યના પ્રમુખ શહેરો અમદાવાદ સુરત વડોદરા અને રાજકોટમાં પણ પેટ્રોલ ડીઝલના ભાવમાં વધારો થયો છે. અમદાવાદમાં પેટ્રોલના ભાવ છેલ્લા એક વર્ષની સર્વોચ્ચ સપાટીએ પહોંચ્યા છે. મે 17 2017ના રોજ શહેરમાં પેટ્રોલનો ભાવ પ્રતિ લિટ 69.9 હતો જે વધીને 19 એપ્રિલ 2018ના નવા ભાવ મુજબ પ્રતિ લિટર રૂ. 73. 25 થઈ ગયો છે. તો ડીઝલના ભાવ મે 17 2017 મુજબ પ્રતિ લિટર રૂ. 63. 77 હતો જે એક વર્ષમાં વધીને લગભગ 6 રૂપિયા જેટલા વધીને પ્રતિ લિટર રુ. 69.96 પહોંચી ગયા છે.