ઈંધણ ભાવ / ગુજરાતમાં પેટ્રોલના ભાવમાં ભડકો, ગીર સોમનાથ બાદ હવે આ જિલ્લામાં પણ 100 રૂપિયાને પાર પહોંચ્યું ઈંધણ

• પેટ્રોલના ભાવે 100 રૂપિયાની સપાટી વટાવી
• ડીઝલનો ભાવ પણ 98.38 રૂપિયા પ્રતિ લિટર 
• વધતા પેટ્રોલના ભાવથી જનતા ત્રાહિમામ 

હવે ગુજરાતમાં પણ પેટ્રોલનો ભાવ 100 રૂપિયાને પાર પહોંચી રહ્યો છે ગીર સોમનાથ બાદ હવે ભાગનગરમાં પણ પેટ્રોલનાબ ભાવ 100 રૂપિયાને પાર પહોંચી ગયો છે અને પાવર પેટ્રોલ 103 રૂપિયા લિટરની કિંમતે મળી રહ્યું છે. 

પેટ્રોલના ભાવે 100 રૂપિયાની સપાટી વટાવી

ભાવનગરમાં આજે પેટ્રોલનો ભાવ પ્રતિ લિટર 100.22 પૈસા થઈ ગયો છે જ્યારે ડીઝલનો ભાવ 98.38 રૂપિયા પતિ લિટર જોવા મળી રહ્યો છે. મહત્વનું છે કે પેટ્રોલ ડીઝલના વધતા ભાવોને લઈ વિરોધ પક્ષ વિરોધ કરતી હોવા છતા સરકારે મૌન ધારણ કરી લીધું છે 

ડીઝલનો ભાવ પણ 98.38 રૂપિયા પ્રતિ લિટર 

આ તરફ ગીર સોમનાથ જિલ્લામાં પેટ્રોલ રૂપિયા 100ને પાર પહોંચી ગયું છે. જેને લઈ નાના વાહન ચાલકોમાં ચિંતાનું મોજું ફરી વળ્યું છે. હવે માત્ર જરૂરિયાત મુજબ જ લોકો પુરાવી રહ્યા છે. પેટ્રોલ-ડીઝલ પણ 100 રૂપિયાની નજીક પહોંચ્યું છે. 

વધતા પેટ્રોલના ભાવથી જનતા ત્રાહિમામ 

દેશભરમાં દિન પ્રતિદિન પેટ્રોલ અને ડિઝલમાં કૂદકે ને ભૂસકે ભાવો વધી રહ્યા છે. ત્યારે નાના વાહન ચાલકો પરેશાન થયા છે. ગીરમાં પેટ્રોલએ રૂપિયા 100નો આંક વટાવી દીધો છે. ત્યારે મોંઘવારી પણ પેટ્રોલ ડીઝલના વધતા ભાવોને લઈ વધી રહી છે. આંતરરાષ્ટ્રીય બજારમાં ક્રૂડના ભાવ ઘટ્યા હોવા છતાં પેટ્રોલના ભાવ વધી રહ્યા છે. જે મધ્યમ અને નાના વર્ગના લોકો પર કમ્મર તોડ બોજો વધી રહ્યો છે. પેટ્રોલના વધતા ભાવને લઈ પેટ્રોલ પમ્પ માલિકો પણ ચિંતિત બન્યા છે. જોઈએ તેટલું પેટ્રોલનું વેચાણ થતું નથી. ભાગ્યે જ કોઈ વ્યક્તિ પોતાની બાઈક કે કારમાં ટાંકી ફૂલ કરાવે છે.

વધતા પેટ્રોલના ભાવથી જનતા ત્રાહિમામ 

આજથી બે વર્ષ પહેલાં પેટ્રોલ દરરોજનું 10 હજાર લીટર જેટલું વહેંચાતું હતું. આજે એક હજાર લીટર માંડ વહેંચાય છે. પેટ્રોલ પમ્પ માલિકોને કમિશનમાં પણ કોઈ વધારો થયો નથી. સામે નાના માછીમારો પણ મૂંઝવણમાં છે. તેઓની હોડીમાં પણ પેટ્રોલ એન્જીન હોય માછીમારી માટે પણ પેટ્રોલ અનિવાર્ય બન્યું છે. દિવસે દિવસે માછીમારી પણ મોંઘી બની રહી છે. તેમાં પણ માછલીના ભાવો પૂરતા મળતા નથી. ઘણી વખત સમુદ્રમાં માછલીઓ હોતી પણ નથી. ત્યારે માત્ર ખાલી પેટ્રોલ બાળીને માછીમારોએ ખાલી હાથે પરત ફરવું પડે છે. પેટ્રોલ ડીઝલના ભાવ વધારાને કારણે પ્રજાએ દરેક બાબતે મોંઘવારીનો માર સહન કરવો પડે છે.

મધ્યમ વર્ગીય લોકો મૂંઝવણમાં મુકાયા 

ગીર સોમનાથમાં પેટ્રોલનો ભાવ રૂપિયા 100ને પાર થતા જ નાના અને મધ્યમ વર્ગીય લોકો મૂંઝવણમાં મુકાયા છે. વર્તમાન સમયમાં બાઈક કે સ્કૂટર હોવું તે સાવ સામાન્ય ગણાય છે. પરંતુ આગામી મહિનાઓમાં આ બાઈક કે સ્કૂટર ચલાવવું અસામાન્ય થઈ જાય તો, નવાઈ નહીં. સ્કૂટર અને બાઈક કરતા સી.એન. જી. કાર સસ્તી ચાલે છે. કોરોનાં કાળમાં સરકારનાં પણ ખર્ચ વધ્યા હોય તે સ્વાભાવિક છે. નોકરિયાત વર્ગને તો હજુ કદાચ પેટ્રોલનો આ ભાવ વધારો પોષાય પરંતુ નાના વેપારી અને મધ્યમ વર્ગ પેટ્રોલના ભાવ વધારાને લઈ દિન પ્રતિદિન ડુકી રહ્યો છે.

સરકારે મૌન ધારણ કરી લીધું 

જો પેટ્રોલ અને ડીઝલના ભાવો વધતા જ રહેશે તો આગામી વર્ષોમાં દેશમાં માત્ર ગરીબ અને અમીર એમ બે જ વર્ગ રહે તેવી સ્થિતિ નિર્માણ થાય રહી છે. મધ્યમ વર્ગનો એકડો સાવ ભૂંસાય જ જાય તેવું લાગી રહ્યું છે. કોરોનાં કાળમાં મધ્યમ વર્ગની આવક ઘટી છે અને ખર્ચ વધી રહ્યો છે. ત્યારે પેટ્રોલના ભાવોને લઈ મુસીબત વધી રહી છે. રાજ્ય સરકાર પોતાનો ટેક્સ ઘટાડે તો પેટ્રોલના ભાવોમાં થોડી રાહત જનતાને મળે તેવું લોકો ઇચ્છી રહ્યાં છે. ગુજરાતમાં પેટ્રોલ 100 રૂપિયાને પાર પહોંચ્યું છે ત્યારે મોટા શહેરોમાં પણ ઈંધણના ભાવમાં ધરખમ વધારો કરવામાં આવ્યો છે. 

પેટ્રોલ-ડીઝલનો પ્રતિ લિટરે ક્યાં કેટલો ભાવ 

અમદાવાદ
પેટ્રોલ      98.65 
ડીઝલ      96.81 

ગાંધીનગર
પેટ્રોલ      98.85 
ડીઝલ      97.01 

સુરત           
પેટ્રોલ      98.66 
ડીઝલ      96.85 

જૂનાગઢ
પેટ્રોલ      99.25 
ડીઝલ      97.43 

જામનગર
પેટ્રોલ      98.57 
ડીઝલ      96.74 

વડોદરા
પેટ્રોલ      98.32 
ડીઝલ      96.48 

રાજકોટ
પેટ્રોલ      98.42 
ડીઝલ      96.61 

છેલ્લા 6 વર્ષમાં કેટલી વધી કિંમત 
​
2014-15માં પેટ્રોલ-ડીઝલની કિંમત
પેટ્રોલ 66.09  જ્યારે ડિઝલ 50.32 રૂપિયા 

2015-16માં પેટ્રોલ-ડીઝલની કિંમત
પેટ્રોલ 61.41 જ્યારે ડિઝલ 46.87 રૂપિયા 

2016-17માં પેટ્રોલ-ડીઝલની કિંમત
પેટ્રોલ 64.70 જ્યારે ડિઝલ 53.28 રૂપિયા

2017-18માં પેટ્રોલ-ડીઝલની કિંમત
પેટ્રોલ 69.19  જ્યારે ડિઝલ 59.08 રૂપિયા

2018-19માં પેટ્રોલ-ડીઝલની કિંમત
પેટ્રોલ 78.09 જ્યારે ડિઝલ 69.18 રૂપિયા

2019-20માં પેટ્રોલ-ડીઝલની કિંમત
પેટ્રોલ 71.05 જ્યારે ડિઝલ 60.02 રૂપિયા