રશિયા અને યુક્રેન વચ્ચેની લડાઈ આક્રમક થવાની સાથે જ ક્રૂડ ઓયલના ભાવમાં ઉછાળો આવ્યો છે. જેનાથી ભારતીય બજારમાં પણ તેની માઠી અસર વર્તાશે, જેમાં 15 રૂપિયા સુધીનો વધારો આવવાની શક્યતા છે.
યુક્રેન પર આક્રમણ કર્યું છે રશિયાએ
રશિયા પર કેટલાય દેશોએ પ્રતિબંધો લગાવ્યા
ક્રૂડ ઓયલ પર પડી માઠી અસર
રશિયા અને યુક્રેન વચ્ચેની લડાઈ આક્રમક થવાની સાથે જ ક્રૂડ ઓયલના ભાવમાં ઉછાળો આવ્યો છે. બુધવારે બિઝનેસ દરમિયાન બ્રેંટ ક્રૂડ પાંચ ટકાના ઉછાળા સાથે 110 ડોલર પ્રતિ બૈરલને પાર પહોંચ્યું ગયું, જે સાતમાં વર્ષની ઉંચ્ચ સપાટીએ છે. આવી જ રીતે WTI પણ 4.888 ટકાના ઉછાળા સાથે 108.64 ડોલર પર પહોંચી ગયું છે. યુક્રેન અને રશિયાની લડાઈ હવે તેલ ક્ષેત્રમાં પણ ફેલાઈ ગઈ છે, જેનાથી સપ્લાઈ પ્રભાવિત થવાની શંકા ઉત્પન્ન થઈ ગઈ છે.
રશિયા-યુક્રેન યુદ્ધની માઠી અસર
એક રિપોર્ટમાં જણાવ્યા અનુસાર અમેરિકા અને તેના સહયોગી દેશોએ રશિયા પર આકરાં પ્રતિબંધો લગાવ્યા છે, જેની વ્યાપક અસર થઈ શકે છે. માનવામાં આવી રહ્યું છે કે, તેનાથી રશિયાની નિકાસ પ્રભાવિત થઈ શકે છે. રશિયા દુનિયાનો ત્રીજો સૌથી મોટો તેલ ભંડારવાળો દેશ છે. પૂર્વી યુરોપમાં સંઘર્ષ આક્રમક થતાં તેલના ભાવમાં પ્રેશર વધારી રહ્યા છે. આ તમામની વચ્ચે મહામારીમાંથી ઉભરી રહેલા ગ્લોબલ ઈકોનોમીમાં માંગ વધી રહી છે. આ જ કારણ છે કે, ક્રૂડ ઓયલના ભાવમાં ઝડપી વધારો આવી રહ્યો છે.
ચૂંટણી પુરી થયા બાદ આવી શકે છે વધારો
દુનિયાના કેટલાય દેશોમાં પેટ્રોલ અને ડીઝલના ભાવ રેકોર્ડ સ્તર પર પહોંચી ગયા છે, પણ ભારતમાં દિવાળી બાદ કોઈ મોટો ફેરફાર આવ્યો નથી. માનવામાં આવી રહ્યું છે. પાંચ રાજ્યોમાં ચાલી રહેલી વિધાનસભા ચૂંટણી બાદ પેટ્રોલ અને ડીઝલના ભાવમાં મોટો વધારો આવી શકે છે. દિલ્હીમાં હાલ પેટ્રોલના ભાવ 95.41 રૂપિયા પ્રતિ લિટર અને ડીઝલની કિંમત 86.67 રૂપિયા પ્રતિ લિટર છે. પણ આગામી થોડા જ દિવસોમાં 12થી 15 રૂપિયા પ્રતિ લિટરનો વધારો આવી શકે છે.
15 રૂપિયાનો આવી શકે છે વધારો
સૂત્રોના જણાવ્યા અનુસાર દેશમાં પેટ્રોલ અને ડીઝલના છુટક વેચાણ દરે 82-83 ડોલર પ્રતિ બૈરલે ક્રૂડ ભાવ અનુરૂપ છે. તેનાથી તેલ કંપનીઓની દરરોજ ભારે નુકસાન વેઠવાનો વારો આવ્યો છે. ક્રૂડ ઓયલની કિંમતમાં એક ડોલરનો વધારાથી પેટ્રોલ અને ડીઝલની છૂટક કિંમતમાં 50 પૈસાનો વધારો થાય છે. આ હિસાબે જોઈએ તો, ક્રૂડ ઓયલની કિંમતમાં આ દરમિયાન લગભગ 27 ડોલરનો વધારો થઈ ચુક્યો છે. એટલે કે, પેટ્રોલ અને ડીઝલની કિંમતમાં લગભગ 15 રૂપિયાનો વધારો થઈ શકે છે.