રાહતના એંધાણ / વિધાનસભા ચૂંટણી ટાણે ગુજરાતની જનતાને મળી શકે છે મોટી રાહત, આટલાં રૂપિયા સુધી સસ્તું થઇ શકે છે પેટ્રોલ

• ગુજરાતમાં પેટ્રોલ-ડીઝલનાં ભાવમાં થઇ શકે છે ઘટાડો
• રિટેલર્સને મળનારા માર્જિન હવે પોઝિટિવ 
• ચૂંટણી પહેલા પેટ્રોલિયમ પેદાશોનાં ભાવોમાં સંભવત: ઘટાડો 

ગુજરાત: ચૂંટણી વિભાગે આજે ગુજરાતમાં થનારી વિધાનસભાની ચૂંટણીની તારીખો જાહેર કરી છે. તો આ દરમિયાન આંતરરાષ્ટ્રીય સ્તર પર ક્રૂડ ઓઇલની કિંમતોમાં પણ ઘટાડો જોવા મળી રહ્યો છે. કાચાં તેલના ભાવમાં ઘટાડો અને આવનારી ચૂંટણી સામાન્ય જનતા માટે ફાયદાકારક સાબિત થઇ શકે છે. એક રિપોર્ટ અનુસાર આવનારાં દિવસોમાં પેટ્રોલ-ડીઝલનાં ભાવોમાં ઘટાડો જોવા મળી શકે છે. 

રિટેલર્સનાં માર્જિન હવે પોઝિટિવ
પેટ્રોલ-ડીઝલનાં ભાવમાં ઘટાડાની શક્યતા રિટેલર્સને મળનારાં માર્જિન પોઝિટિવ થવાને લીધે વધી છે. મળેલ માહિતી અનુસાર રિટેલ સેલર્સનું માર્જિન પેટ્રોલ પર 6 રૂપિયા પ્રતિ લીટર પોઝિટિવ થયું છે જેનાં લીધે તેમાં 2 રૂપિયા પ્રતિ લીટર ભાવ ઘટી શકે છે. 

છેલ્લાં 7 મહિનાથી કિંમતમાં નથી થયો ફેરફાર
છેલ્લા 7 મહિનાઓથી પેટ્રોલ-ડીઝલનાં ભાવનાં આંકડાઓમાં કોઇ ફેરફાર જોવા મળ્યો નથી. સાત મહિના પહેલાં 22 મેનાં રોજ સરકારે સેન્ટ્રલ એક્સાઇઝમ ડ્યૂટી ઘટાડવાનો નિર્ણય લીધો હતો જેના પછીથી પેટ્રોલ અને ડીઝલની કિંમતોમાં 8 રૂપિયા અને 6 રૂપિયા પ્રતિ લીટરનો ઘટાડો નોંધાયો છે. 

વર્તમાન ભાવ
દેશનાં મોટાં શહેરોની વાત કરીએ તો પેટ્રોલની કિંમત 96 રૂપિયા આસપાસ છે જ્યારે મુંબઇ, કોલકત્તા અને ચેન્નઇમાં આ 100 રૂપિયા પ્રતિ લીટરથી વધુ છે.  ડીઝલનાં ભાવની જો વાત કરીએ તો દિલ્હીમાં 89 રૂપિયા પ્રતિ લીટર જ્યારે મુંહઇ, કોલકત્તા અને ચેન્નઇમાં 92થી 95 રૂપિયા પ્રતિ લીટરનો ભાવ છે.