સમગ્ર દેશ અને રાજ્યમાં થયો પેટ્રોલ-ડીઝલના ભાવમાં ઘટાડો તો સુરતમાં કેમ નહીં ?

કેન્દ્ર અને રાજ્ય સરકાર દ્વારા પેટ્રોલ અને ડીઝલના ભાવમાં મળીને કુલ 5 રૂપિયાનો ઘટાડો કરવામાં આવ્યો છે. જોકે સુરતમાં પેટ્રોલ અને ડીઝલના ભાવમાં કોઈ ઘટાડો કરવામાં આવ્યો નથી. હાલમાં સુરતમાં પેટ્રોલનો ભાવ 83 રૂપિયા અને 17 પૈસા છે.

જ્યારે ડીઝલનો ભાવ 81 રૂપિયા છે. શહેરમાં ભારત પેટ્રોલિયમના પેટ્રોલ પંપ પર ભાવમાં ઘટાજો કરવામાં આવ્યો નથી. સરકાર દ્વારા નોટિફિકેશન ન આવ્યુ હોવાનુ પેટ્રોલ પંપના કર્મચારીઓ દ્વારા જણાવવામાં આવ્યુ છે.

દેશમાં છેલ્લા ઘણા સમયથી પેટ્રોલ અને ડીઝલના ભાવમાં વધારો થઈ રહ્યો હતો. ત્યારે કેન્દ્ર સરકાર દ્વારા પેટ્રોલ અને ડીઝલના ભાવમાં 2 રૂપિયા અને 50 પૈસાનો ઘટાડો કરવામાં આવ્યો. કેન્દ્ર સરકારની જાહેરાત બાદ રાજ્ય સરકાર દ્વારા પણ 2 રૂપિયા અને 50 પૈસાનો ઘટાડો કરવામાં આવ્યો છે.

રાજ્યમાં સૌથી વધુ પેટ્રોલ ડીઝલના ભાવમાં ભાવનગરમાં છે. ત્યારે રાજ્યના શહેરોના પેટ્રોલ અને ડીઝલના ભાવની વાત કરીએ તો ભાવનગરમાં પેટ્રોલનો ભાવ 79 રૂપિયા 64 પૈસા અને ડીઝલનો ભાવ 77 રૂપિયા 40 પૈસા પ્રતિ લિટર પહોંચ્યો છે.

જ્યારે અમદાવાદમાં પેટ્રોલનો ભાવ 78 રૂપિયા 48 પૈસા અને ડીઝલનો ભાવ 76 રૂપિયા 20 પૈસા પ્રતિ લિટરે પહોંચ્યો છે અને રાજકોટના પેટ્રોલનો ભાવ 78 રૂપિયા 38 પૈસા અને ડીઝલનો ભાવ 76 રૂપિયા 12 પૈસા પ્રતિ લિટરે પહોંચ્યો છે.

1 ક્લિક પર જોડાવો VTV ના સોશિયલ એકાઉન્ટ્સ સાથે...