સુવિધા / હવે આધારધારકોને સરળતાથી મળી જશે પર્સનલ લોન, આ સરળ રીતથી ઘરે બેઠા કરો અરજી

• પૈસાની જરૂર હોય તો ફટાફટ લઈ લો લોન
• હવે તમે આધારની મદદથી જ સરળતાથી લોન લઈ શકો છો
• ઘરે બેઠા જ મળી જશે લોન

દેશની મોટાભાગની જાહેર અને ખાનગી ક્ષેત્રની બેન્કો અને નાણાકીય સંસ્થાઓએ લોન લેવી પહેલાં કરતા વધુ સરળ બનાવી દીધું છે. લોન લેવા માટે તમારે ઘરની બહાર પગ મૂકવાની પણ જરૂર નથી. કોરોના સંકટને કારણે લોન સહિતની મોટાભાગની બેન્કિંગ સેવાઓ બેન્કોની સત્તાવાર વેબસાઇટ અથવા એપ પર ઉપલબ્ધ કરાવવામાં આવી છે.

સાથે જ જો તમે લોન માટે લાયક છો તો હવે તમારે વધારે પેપર વર્ક કરવાની પણ જરૂર નથી. સામાન્ય રીતે તમારે બેન્કમાં કેવાયસી દસ્તાવેજો સબમિટ કરવા પડે છે જેથી બેન્કને તમામ વિગતો મળે. હવે તેને વધુ સરળ બનાવી દેવામાં આવ્યું છે.

આધારથી પર્સનલ લોન લેવાની આ છે શરતો

હવે તમે આધાર કાર્ડ દ્વારા પણ પર્સનલ લોન માટે અરજી કરી શકો છો. આનાથી તમને ઈન્સ્ટન્ટ પર્સનલ લોન મળી જાય છે. આ માટે તમે ઘરે બેસીને ઓનલાઇન અરજી કરી શકો છો. તમારે ફક્ત અરજી ફોર્મ ભરવાની અને ઇ-કેવાયસી દસ્તાવેજો આપવાની જરૂર છે. પહેલાની જેમ તમારે કોઈપણ દસ્તાવેજની હાર્ડ કોપી સબમિટ કરવાની જરૂર રહેશે નહીં. જોકે, તેની કેટલીક શરતો પણ છે. સૌ પ્રથમ તમારી ઉંમર 23 વર્ષ હોવી જોઈએ. તમારે ભારતીય નાગરિક હોવા આવશ્યક છે. ઉપરાંત, તમે જાહેર, ખાનગી અથવા મલ્ટીનેશનલ કંપનીમાં કામ કરો છો. તમારો ક્રેડિટ સ્કોર સાચો હોવો જોઈએ. તમારે તમારી ન્યૂનતમ આવક પણ દર્શાવવી પડશે.

આધારથી લોન માટે કેવી રીતે અરજી કરવી

• સૌથી પહેલાં તમારી બેંકની મોબાઈલ એપ અથવા વેબસાઈટ પર લોગિન કરો.
• તમે લોનમાં પર્સનલ લોનનો વિકલ્પ પસંદ કરો. પછી યોગ્યતા ચેક કરો. 
• પછી Apply Now પર ક્લિક કરો અને અરજી ફોર્મ ભરો.
• ફોર્મમાં પૂછવામાં આવેલી વ્યક્તિગત વિગતો ભરો અને સબમિટ કરો.
• આ પછી બેંકમાંથી એક કોલ આવશે, જે તમારી વિગતો અને એલિજિબિલિટી ચેક કરશે.
• બેન્ક તરફથી વેરિફિકેશન બાદ તમારી લોન મંજૂર થઈ જશે. 
• લોન પાસ થયા બાદ પૈસા બચત ખાતામાં ટ્રાન્સફર કરવામાં આવશે.