નવો ટ્રેન્ડ / VIDEO : વિદેશીઓ જબરુ લાવ્યાં, બીયર પીતાં પીતાં કરી રહ્યાં છે યોગા, વીડિયો થયો વાયરલ

• વિદેશમાં ચાલી રહ્યો છે બીયર યોગાનો ટ્રેન્ડ
• ડેનમાર્કના કોપનહેગનમાં લોકો બીયર પીઈને કરી રહ્યાં છે યોગા
• યોગની પોઝિશનમાં જ બે ઘૂંટડા પીવાના 

સ્વસ્થ શરીરમાં સ્વસ્થ મન રહે છે પરંતુ આજના સમયમાં લોકોને ખૂબ જ નાની ઉંમરમાં જ ગંભીર બીમારીઓ થવા લાગી છે. આનું સૌથી મોટું કારણ છે ખાવાની ખોટી આદતો અને ખરાબ લાઈફસ્ટાઈલ, જેને સુધારવા માટે યોગ અને વ્યાયામને દિનચર્યામાં સામેલ કરવા ખૂબ જરૂરી છે. યોગની મદદથી તમામ બીમારીઓને દૂર રાખી શકાય છે. તેનું મહત્વ હવે માત્ર ભારતમાં જ નહીં પરંતુ સમગ્ર વિશ્વમાં છે. સૌ જાણે છે કે યોગ કરવા માટે મન, મનને શાંત અને એકાગ્ર રાખવું જરૂરી છે. પરંતુ યુવાનો માટે આવું કરવું થોડું મુશ્કેલ છે. પછી ભલે તેઓ શોખમાં યોગ શરૂ કરી દે. પરંતુ તે લાંબો સમય ટકતા નથી. આવા લોકો માટે યોગનો નવો ટ્રેન્ડ શરૂ થયો છે, બીયર યોગા  જેમાં બીયરના બે ઘૂંટડા ગળામાં લીધા બાદ યોગ કરવામાં આવે છે. બિયર યોગાનો આ ટ્રેન્ડ છેલ્લા કેટલાક સમયથી વિદેશમાં ખાસ્સો લોકપ્રિય બની રહ્યો છે.

VIDEO: Around 100 people gather to perform yoga by the Copenhagen harbour - cans of crisp, cold, refreshing beer in hand. The booze-fuelled class has been open for four years, and appears popular with its practitioners. pic.twitter.com/zM2kAlM9jg

— AFP News Agency (@AFP) June 2, 2023

આ રીતે થાય છે બિયર યોગ
ડેનમાર્કની રાજધાની કોપનહેગનમાં કેટલાક લોકો રસ્તાની બાજુમાં યોગ કરતા જોવા મળી રહ્યા છે. ફરક માત્ર એટલો જ છે કે દરેકના હાથમાં બિયરની બોટલ હોય છે. ક્લિપમાં તમે જોઈ શકો છો કે યોગ પોઝમાં દરેક જણ એક હાથથી બિયરની બોટલમાંથી બિયર પીવે છે. 

સ્વદેશી યુવાનો ડેનમાર્ક ભાગી જશે-યુઝર્સની કોમેન્ટ 
યૂઝર્સ કમેન્ટ કરીને પોતાની પ્રતિક્રિયા આપી રહ્યા છે. એકે મજાક કરી - ઘણા સ્વદેશી યુવાનો આ જોઈને ડેનમાર્ક ભાગી જશે. બીજાએ કહ્યું- આ ટ્રેડિશનલ યોગ કરતા સારું છે. ઘણા ભારતીયો આ પ્રકારના યોગથી ગુસ્સે થઈ રહ્યા છે. તેમનું કહેવું છે કે આ ભારતીય પરંપરાની મજાક છે.

બીયર યોગનો ટ્રેન્ડ વિદેશમાં ખૂબ ફેવરિટ 
બીયર યોગનો ટ્રેન્ડ વિદેશમાં ખૂબ પસંદ કરવામાં આવી રહ્યો છે. તે સૌ પ્રથમ જર્મનીમાં લોકપ્રિય બન્યો હતો. આ પછી ધીરે ધીરે ઓસ્ટ્રેલિયા અને અમેરિકામાં આ ટ્રેન્ડ ફોલો થવા લાગ્યો હતો. જો કે ભારતમાં યોગ નિષ્ણાતો તેને સંસ્કૃતિની દ્રષ્ટિએ સારું નથી માનતા કારણ કે યોગ ભારતની પ્રાચીન સભ્યતાનો ભાગ છે. તેના નિયમો સંપૂર્ણપણે અલગ છે. આવી સ્થિતિમાં બીયર યોગ જેવા વલણોનો સમાવેશ ભારતીય યોગની પ્રકૃતિને બગાડશે.