ગુજરાતી ખાણું / અમેરિકામાં આ 'પટેલ બ્રધર્સ'ને કારણે ગુજરાતીઓને ભોજનની ચિંતા નથી, માંગો તે મળે છે અહીં

• અમેરિકામાં નહીં નડે ભોજનની સમસ્યા
• ત્યાં પણ મળે છે ગુજરાતી ખાણું
• મોલમાં મળે છે બાજરીનો લોટ

અમેરિકાના શિકાગોમાં આવેલો ગ્રોસરી એટેલે કે, કરિયાણાનો મોલ છે. આ મોલના માલિક ગુજરાતી છે. અમેરિકાના શિકાગોમાં પટેલ બ્રધર્સ તરીકે ઓળખાતા આ મોલના માલિક ગુજરાતી મફતભાઈ પટેલ છે. તેમના મોલમાં તમામ પ્રકારનું કરિયાણું મળે છે. મફતભાઇ અહીં અમેરિકામાં આવ્યા ત્યારે તેમને ભોજનની સમસ્યા સામે આવી હતી. કેમ કે, અમેરિકામાં કરિયાણું કે શાકભાજી મળતા ન હતા. એટલે તેમણે શિકાગોમાં દેવોન વિસ્તારમાં એક કરિયાણાની દુકાન શરૂ કરી. પછી મફતભાઈની કેવી રહી બિઝનેસની યાત્રા...

પટેલ બ્રધર્સના સ્ટોરમાં મળે છે તમામ દેશી વસ્તુ 

અમેરિકાના શિકાગો સ્થિત પટેલ બ્રધર્શમાં તમામ પ્રકારનું કરિયાણું મળે છે. પટેલ બ્રધર્સની પોતાની સ્વાદ નામની ફૂડ કંપની છે. જેમાં તમામ પ્રકારનું દેશી કરિયાણું તૈયાર થાય છે. પટેલ બ્રધર્શમાં મળતી વસ્તુઓ પૈકી 80 ટકા વસ્તુઓ તેઓ ભારતથી આયાત કરે છે. અમેરિકામાં રહેતા ગુજરાતી પરિવારને પણ આવા મોલમાંથી ચોખા, બાજરી અને જુવાર જેવું અનાજ અને તેનો લોટના તૈયાર પેકિંગ પણ સરળતાથી મળી રહે છે.

આ મોલમાં તમને સાબુ-ટૂથપેસ્ટથી માંડીને હેલ્થકેરની અનેક ચીજવસ્તુઓ અને અગરબત્તી જેવી પૂજા સામગ્રી પણ મળી રહે છે. માત્ર આટલું જ નહીં આ અમેરિકાની ધરતી પર આવેલા એક ગુજરાતીના મોલમાં લીલાછમ શાકભાજી પણ સરળતાથી મળી જાય છે. ગુજરાતીની માલિકીના આ મોલની રોજ હજારો ગ્રાહકો મુલાકાત લે છે. એશિયન ગ્રાહકોને આ મોલ આશીર્વાદરૂપ લાગી રહ્યો છે.

ગુજરાતીઓને એમેરિકામાં દેશી ભોજન મળતું થયું

અમેરિકામાં વર્ષ 1910માં કરશન પટેલ નામના પહેલા ગુજરાતી પહોંચ્યા હતા. ત્યારબાદ ધીરે-ધીરે અમેરિકામાં ગુજરાતીઓની વસ્તી અને તેમાંય પટેલ સમાજની વસ્તીમાં વધારો થયો. હાલ અમેરિકામાં આશરે 25 લાખ ભારતીયો અહીં વસે છે. તેમાંય 60 ટકા પટેલ જ્ઞાતીના લોકો વસે છે. તે ચોક્કસ છે કે ગુજરાતીઓને એમેરિકામાં દેશી ભોજન મળતું થયું છે આથી તેઓ ત્યાં ટકી શકે છે. અમેરિકામાં છેલ્લા 45 વર્ષથી ભારતીય સહીત દ.એશિયાના દેશના રહીશોને દેશી કરિયાણું સરળતાથી મળતુ થયું છે. જે એશિયન લોકો માટે અમેરિકામાં ટકી રહેવા માટે આશીર્વાદરૂપ બની રહ્યું છે.

જાણો કોણ છે આ મફત પટેલ જેમણે અમેરિકામાં ૩૦૦થી વધારે ગુજરાતી પરિવારને નોકરી આપી