બફાટ / ભાજપના દિગ્ગજ નેતાની જીભ લપસી, પોતાના જ પક્ષ માટે કહ્યું, એકેય કાર્યક્રમ નહીં થવા દઉં

• પાટણ ભાજપના કાર્યક્રમમાં કોંગ્રેસનો વિરોધ 
• નવનિયુક્ત જિલ્લા પ્રમુખ પદગ્રહણ કાર્યક્રમમાં વિરોધ 
• મોંઘવારી મુદ્દે ચાલુ કાર્યક્રમમાં શાકભાજી સાથે વિરોધ કર્યો

આજરોજ  પાટણ જિલ્લા ભાજપ કાર્યાલય ખાતે પાટણ જિલ્લાના નવનિયુક્ત જિલ્લા પ્રમુખ  દશરથ ઠાકોરનો  પદગ્રહણ  સમારોહ  કાર્યક્રમ યોજાયો હતો જોકે આ કાર્યક્રમમાં  કોંગ્રેસની મહિલાઓએ  મોંઘવારીના મુદ્દે  શાકભાજી  ટોપલી અર્પણ કરતા  ભારે હોબાળો થયો હતો  અને ભાજપના મોટા નેતાઓની હાજરીમાં  કોંગ્રેસે ફજેતી કરતા પાટણ ગુજરાત પ્રદેશ ભાજપનાં મહામંત્રી કે.સી પટેલ ગુસ્સામાં આવી ગયા હતા કેસી પટેલે ધમકી આપતા બોલવામાં બાફ્યુ હતુ

કેસી પટેલે કોંગ્રેસને ઉગ્ર સ્વરે નીચ કહ્યું હતું જોકે તેવો બોલવામાં એક મોટી ભૂલ કરી બેઠા હતા જેમાં કેસી પટેલે ગુસ્સામાં કોંગ્રેસને ધમકી આપતા કહ્યું હતું કે માફી માંગજો નહીતો ભારતીય જનતા પાર્ટીનો કાર્યક્રમ પાટણ જીલ્લામાં એકપણ જગ્યાએ નહીં થવા દેવાય આમ કેસી પટેલે ગુસ્સામાં ભૂલથી પોતાની પાર્ટીનેજ ધમકી આપી બેઠા હતા