શિયાળું સત્ર / સંસદમાં ટ્રાન્સજેન્ડરનાં અધિકારો સંબંધિત બિલ પસાર

• ટ્રાન્સજેન્ડર સમુદાય માટે બિલ પસાર 
• શિક્ષામાં સુવિધા અને સ્વાસ્થ્ય સારવાર જેવી સેવાઓમાં ફાયદો 
• બહિષ્કાર અને ભેદભાવ સામે રક્ષણ આપતું બિલ 

લોકસભામાં પહેલાં જ પસાર થયું છે બિલ 

સંસદનાં ઉપલા સદનમાં ટ્રાન્સજેન્ડરનાં અધિકારોનું રક્ષણ સંબંધિત એક બિલ પસાર કરવામાં આવ્યું. જોકે પહેલાં આ બિલને સેલેક્ટ કમિટી પાસે મોકલવાની માંગ કરવામાં આવી હતી જે ફગાવી દેવામાં આવ્યા બાદ આ બિલ રાજ્યસભામાં પસાર કરવામાં આવ્યો. લોકસભામાં આ બિલ 5 ઓગસ્ટનાં રોજ પસાર કરવામાં આવ્યું હતું. 

સામાજિક-આર્થિક સશક્તિકરણ માટે મદદરૂપ થશે બિલ 
 
ટ્રાન્સજેન્ડર પર્સન્સ પ્રોટેક્શન ઓફ રાઈટ્સ બિલ, 2019 હેઠળ ત્રીજા જેન્ડરનાં લોકો માટે સામાજિક, આર્થિક અને શૈક્ષણિક સશક્તિકરણ માટે પ્રયત્નો કરવાની વાત કરવામાં આવી છે. આ બિલ કેન્દ્રિય મંત્રી થાવર ચંદ ગેહલોતે 20 નવેમ્બરનાં રોજ રાજ્યસભામાં મુક્યું હતું. 

આ બિલનાં ઉદ્દેશોમાં કહેવામાં આવ્યું છે કે ટ્રાન્સજેન્ડર સમુદાય ખુબ જ અલગ છે. આ સમુદાય હાંસિયામાં ધકેલાઈ ગયું છે. ટ્રાન્સજેન્ડર સ્ત્રી-પુરુષમાં એડજસ્ટ ન થતા હોવાથી આ ભોગવવું પડે છે. આ સમુદાયનો મોટે સભ્ય સમાજના લોકો બહિષ્કાર કરે છે. આ સમુદાય સાથે ભેદભાવ, શિક્ષામાં સુવિધાની કમી, બેરોજગારી અને સારવાર માટે પણ ઘણી મુશ્કેલીઓનો સામનો કરવો પડે છે.