માનવતા મરી પરવારી / દીકરાના અંતિમ સંસ્કાર માટે લોકો સામે મા-બાપે માંગી ભીખ, હોસ્પિટલે માંગ્યા 50 હજાર

• બિહારના સમસ્તીપુરથી માનવતાને શરમાવે તેવી ઘટના  
• હોસ્પિટલે પુત્રના મૃતદેહ માટે રૂપિયા 50 હજારની લાંચ માંગી 
• પુત્રનો મૃતદેહ લેવા માટે માતા-પિતાને ભીખ માંગવાની ફરજ પડી 

દુનિયાનું સૌથી મોટું દુ:ખ એ યુવાન પુત્રના અર્થીને ખભામાં લેવાનું છે. આ દુ:ખ ભાગ્યે જ કોઈ મા-બાપ ભૂલી શકે છે. પરંતુ બિહારમાં એક માતા-પિતા પોતાના પુત્રની અર્થીને ખભો પણ આપી નથી શકતા, કારણ કે હોસ્પિટલ સ્ટાફે કહ્યું કે 50 હજાર લાવો અને પુત્રની લાશ લઈ જાઓ. અને હવે પુત્રનો મૃતદેહ લેવા માટે માતા-પિતાને ભીખ માંગવાની ફરજ પડી હતી. શું છે સમગ્ર મામલો? ચાલો તમને જણાવીએ.

Samastipur, Bihar | Parents of a youth beg to collect money to get the mortal remains of their son released from Sadar Hospital after a hospital employee allegedly asked for Rs 50,000 to release the body pic.twitter.com/rezk7p6FyG

— ANI (@ANI) June 8, 2022

બિહારના સમસ્તીપુરથી માનવતાને શરમાવે તેવી ઘટના  

મીડિયા રિપોર્ટ્સ અનુસાર, એક માતા-પિતાએ આરોપ લગાવ્યો છે કે, હોસ્પિટલના કર્મચારીએ તેમના પુત્રના મૃતદેહને સોંપવા માટે મોટી રકમની માંગ કરી છે. પોસ્ટ મોર્ટમ વર્કરે પૈસા ચૂકવ્યા ન હોવાથી મૃતદેહ આપવાનો ઇનકાર કર્યો હતો. જે બાદ નિ:સહાય માતા-પિતા પુત્રની લાશ લેવા માટે ઘરે-ઘરે ભીખ માંગી રહ્યા છે, જેથી તેઓ તેમના પુત્રની લાશ હોસ્પિટલમાંથી લઈ શકે.

પૈસા વગર અહીં કોઈ કામ થતું નથી. 

આ હોસ્પિટલમાં મોટાભાગના આરોગ્ય કર્મચારીઓ કોન્ટ્રાક્ટ પર છે. આરોગ્ય કર્મચારીઓને સમયસર પગાર મળતો નથી. આવી સ્થિતિમાં, તેઓ દર્દીઓના સંબંધીઓ પાસેથી પૈસા લેવાનો પ્રયાસ કરે છે. આ સમગ્ર ઘટના પર સિવિલ સર્જનનું કહેવું છે કે દોષિતો સામે કાર્યવાહી કરવામાં આવશે.

समस्तीपुर- जवान बेटे का पोस्टमार्टम के लिए माता पिता कर रहा है भिक्षाटन,पोस्टमार्टम कर्मी ने कहा 50 हज़ार लाओ और बेटे का शव ले जाओ।

यहां जीना भी मुश्किल और मरना भी मुश्किल।#बिहार pic.twitter.com/SZew1K1rwL

— Mukesh singh (@Mukesh_Journo) June 8, 2022

બિહાર સ્વાસ્થ્યના મામલામાં ખૂબ પછાત છે

આ વીડિયો સોશિયલ મીડિયા પર ખૂબ જ વાયરલ થઈ રહ્યો છે. આ વીડિયોમાં બિહારની સ્થિતિ દેખાઈ રહી છે. બિહાર સ્વાસ્થ્યના મામલામાં ખૂબ પછાત છે. પોસ્ટમોર્ટમ કરાવનાર કર્મચારીઓ મૃતદેહને બદલે 50 હજાર રૂપિયા લાવી લાશ લેવાનું કહી રહ્યા છે. આવી સ્થિતિમાં મજબૂર વાલી ભીખ માંગીને પૈસા ભેગા કરી રહ્યા છે. જો જોવામાં આવે તો સરકાર માટે આ એક મોટી થપ્પડ છે.