મહેશભાઈ ઠક્કરે ધ કાશ્મીર ફાઇલ ફિલ્મ જોનાર દર્શકને મફતમાં પોતાની દુકાન પર ફાફડા-જલેબીનો નાસ્તો કરાવવાની જાહેરાત કરી
પાલનપુરના વેપારીની અનોખી પહેલ
'ધ કાશ્મીર ફાઇલ' ફિલ્મ માટે શરૂ કરી સ્કીમ
ફિલ્મ જુવો, ફ્રીમાં ફાફડા-જલેબીની મોજ માણો
દેશભરમાં બહુચર્ચીત ફિલ્મ ધ કાશ્મીર ફાઇલની ચારેબાજુ ચર્ચા થઈ રહી છે..અને રાજ્ય સરકારે પણ આ ફિલ્મને કરમુક્ત કરી છે. ત્યારે પાલનપુરમાં એક વેપારીએ ધ કાશ્મીર ફાઇલ ફિલ્મ જોનાર માટે અનોખી સ્કીમ જાહેર કરી છે
'ધ કાશ્મીર ફાઇલની મૂવી ટિકિટ લઈને આવો અને ચા નાસ્તો ફ્રી કરો'
કાશ્મીર ફાઈલ ફિલ્મ ઘણાં સમય થી ચર્ચા માં રહી છે.વર્ષો પહેલા.કાશ્મીર માં રહેતા કાશ્મીરી પંડિતો પર કરવામાં આવેલા વ્યવહાર ને લઇ સાચી હકીકત શું હતી તે જણાવતી આ ફિલ્મ ને લઈ ઘણા દિવસો થી આ ફિલ્મ ની રિલીઝ ની લોકો રાહ જોઈ રહ્યા હતા .ત્યારે હવે આ ફિલ્મ રિલીઝ થતાં લોકો માં ઉત્સુકતા છે.કે આ ફિલ્મ માં શું હકીકત છે..વર્ષો પહેલા કાશ્મીર માં શું થયું હતું..
તેને લઇ લોકો જાણવા માટે આ ફિલ્મ જોવા માટે જઈ રહ્યા છે..ત્યારે પાલનપુર જલારામ નાસ્તા હાઉસ માં ફાફડા જલેબી ની દુકાન ચલાવતા વેપારી મહેશભાઈ ઠક્કરે એક નવી પહેલ કરી હતી..જે કોઈ આ ફિલ્મ જોઈ ને ટિકિટ લઈ ને તેમની દુકાન પર આવે તેમને ફાફડા જલેબી નો ફ્રી નાસ્તો આપવાની સોશ્યલ મીડિયામાં જાહેરાત કરી હતી.
'લોકો ફિલ્મ થિયેટરમાં જોવા જાય'
ત્યારે આજે ધ કાશ્મીર ફાઈલ ફિલ્મ જોયા બાદ લોકો પોતાની ટિકિટ લઈને આ નાસ્તા ની દુકાને પહોંચ્યા હતા .જ્યાં ફ્રી નાસ્તાની લોકો એ મજા માની હતી.મહેશભાઈ એ કહ્યું હતું કે ફાફડા જલેબી તો કોઈ મોટી વાત નથી સરકાર આ ફિલ્મ ને ટેક્સ ફ્રી કરી છે.ત્યારે અમારી પણ એક ફરજ છે.કે અમે પણ કંઇક કરીએ. લોકો આ ફિલ્મ જોઈ ને ફાફડા જલેબીના નાસ્તા ની મજા માણવા પહોંચ્યા હતા જ્યાં લોકો એ પ્રતિભાવ આપ્યો હતો કે આ ફિલ્મ દરેક લોકોએ થિયેટરમાં જઈ ને જોવી જોઈએ.
આ ફિલ્મમાં વર્ષો પહેલા બનેલી ઘટનાઓની સાચી હકીકત પર બનાવી છે.જેથી આ ફિલ્મ દરેક લોકો એ થિયેટર માં જઈ ને જોવી જોઈએ.તેવો લોકો એ આગ્રહ કર્યો હતો