પાકિસ્તાનના માનવતાવાદી સંગઠન ઈધિ ફાઉન્ડેશને ભારતને 50 એમ્બ્યુલન્સના કાફલા સાથે વોલિએન્ટર્સની મોટી ફોજની ઓફર કરી છે.
ઈધિ ફાઉન્ડેશન 50 એમ્બ્યુલન્સના કાફલા મોકલવા તૈયાર
વોલિએન્ટર્સની મોટી ફોજની ઓફર કરી
પીએમ મોદીને પત્ર લખીને મદદની કરી ઓફર
ઈધિ ફાઉન્ડેશનના ચેરમેન ફૈસલ ઈધિએ શુક્રવારે પીએમ મોદીને પત્ર લખીને જાણ કરી કે અમારુ સંગઠન 50 મોટી એમ્બ્યુલન્સ અને વોલિએન્ટર્સની મોટી ફોજની મદદ આપવા તૈયાર છે. તેમણે કહ્યું કે હું ખુદ આ ટીમની આગેવાની લેવા તૈયાર છું. જો ભારત સરકાર મંજૂરી આપે તો અમે મદદ કરવા તૈયાર છીએ.
પીએમ મોદીને લખેલા પત્રમાં ચેરમેને કહ્યું કે અમને એ જાણીને અત્યંત દુખ થયું છે કે તમારા દેશમાં કોરોના મહામારીએ કેર વર્તાવ્યો છે. હજારો લોકો મહામારીનો ભોગ બની રહ્યાં છે. અમે 50 મોટી એમ્બ્યુલન્સ સાથે અમારી સેવા આપવા માંગીએ છીએ. તેમણે કહ્યું કે બદલામાં અમારી ટીમને કંઈ જોઈતું નથી. ટીમ તમામ સભ્યોનો રહેવા અને જમવાની વ્યવવસ્થા પણ જાતે ગોઠવી લેશે.
ચીને કરી આ મદદ
ભારતના પડોશી ચીને પણ દેશની જરુરી સહાયતા પૂરી પાડવાની ઓફર કરી છે. ચીની વિદેશ મંત્રાલયના પ્રવક્તાએ જણાવ્યું કે ચીને ભારતમાં તાજેતરની બગડેલી હાલત અને મહામારીમાં ચિકિત્સા આપૂર્તીની અસ્થાયી અછતની નોંધ લીધી છે. મહામારીને કાબૂ કરવા માટે ચીન ભારતને દર સંભવ સહાયતા પ્રદાન કરવા તૈયાર છે.
ફ્રાન્સે કહ્યું તમામ મદદ કરવા તૈયાર
ફ્રાન્સના રાષ્ટ્રપતિ એમ્યુનલ મેંક્રોએ ભારતમાં કોરોનાના કેર અંગે સંવેદના વ્યક્ત કરતા મદદની ઓફર કરી છે. મેક્રોએ તેમના સંદેશમાં જણાવ્યું કે હું કોવિડ-19 નો સામનો કરી રહેલા ભારતીય લોકોને એકજૂટતાને સંદેશ આપવા માંગું છું. ફ્રાન્સ આ સંઘર્ષમાં તમારી સાથે છે. અમે દરેક પ્રકારની સહાયતા કરવા તૈયાર છીએ.
ઈઝરાયલે પણ ભારત પ્રત્યે દાખવી સંવેદના
ઈઝરાયલે પણ કોરોના પીડિત ભારત પ્રત્યે ગાઢ સંવેદના વ્યક્ત કરી છે. ઈઝરાયલના સત્તાવાર ટ્વિટર હેન્ડલના ટ્વિટમાં કહેવાયું કે અમે કોરોનાની સામે અમારા ગાઢ મિત્ર ભારતની સાથે છીએ. આ સંક્રમણ રુપી ટનલના છેડ પ્રકાશ છે. ત્યાં સુધી આપણે સુરક્ષિત રહીએ.
અમેરિકી સાંસદોએ પણ બાયડન સરકારને મદદ કરવાનું જણાવ્યું
અમેરિકાની ડેમોક્રેટિક પાર્ટીના સેનેટર એન્ડ માર્કે બાયડન સરકારને ભારતની તત્કાળ મદદ કરવાની વિનંતી કરી છે. તેમણે કહ્યું કે અમારી પાસે મદદ માટે સંસાધન છે અને ભારતને તેની જરુર છે માટે ભારતની શક્ય હોય તેટલી વધારે સહાય પૂરી પાડવી જોઈએ.