દેશમાં લોકડાઉનની ઘોષણાં થતાં દૂરદર્શન પર 80-90ના દાયકાના સુપરહિટ શોઝનું રિ-ટેલિકાસ્ટ શરૂ કરવામાં આવ્યું હતું. આ શોઝને જબરદસ્ત વ્યૂઅરશિપ મળી રહી છે. જોકે, હવે પાકિસ્તાનના પીએમ ઈમરાન ખાને પણ આપણાં દેશની દેખાદેખી શરૂ કરી દીધી છે. તેમણે પાકિસ્તાનના લોકોથી રમઝાનના મહિનામાં પીટીવી પર આવતા એક્શન પેક્ડ તુર્કીના એક સીરિયલ 'દિરિલીઃ એર્તુગરલ' જોવાની અપીલ કરી છે.
દેશમાં રામાયણ અને મહાભારતે મચાવી ધૂમ
તો હવે પાકિસ્તાને પણ કરી ભારતની કોપી
પીએમ ઈમરાન ખાને રમઝાન મહિનામાં આ એતિહાસિક શો શરૂ કરવાની કરી અપીલ
ભારતમાં લોકડાઉનને કારણે રામાયણ અને મહાભારત જેવા પૌરાણિક અને એતિહાસિક શોઝ શરૂ કરવામાં આવ્યા તો હવે રમઝાનના અવસર પર ઈમરાને પણ પાકિસ્તાનના લોકોથી તુર્કીની આ એતિહાસિક અને એક્શન પેક્ડ સીરિઝ જોવાની અપીલ કરી છે અને તેમને લાગે છે કે, આ સીરિઝ જોવાથી ત્યાંના યુવાનો ઈસ્લામિક ઈતિહાસ, મૂલ્યો અને સંસ્કૃતિ વિશે શીખશે.
તમને જણાવી દઈએ કે, રમઝાન દરમિયાન પાકિસ્તાન ટેલિવિઝને 'દિરિલીઃ એર્તુગરલ'નું ટેલિકાસ્ટ કરવાની ઘોષણા કરી છે. 24 એપ્રિલે પીટીવીએ 44 સેકન્ડના પ્રોમો સાથે આ શોની જાહેરાત કરી હતી. ગયા વર્ષે સપ્ટેમ્બરમાં તુર્કી, પાકિસ્તાન અને મલેશિયાએ ઈસ્લામોફોબિયા લઈને ગ્લોબલ ટ્રેન્ડ સામે મળીને લડવાનું નક્કી કર્યું હતું અને એ જ ભાવનાઓને સમર્પિત કરવા માટે એક ટીવી ચેનલ શરૂ કરી હતી, જે મુસ્લિમ હીરોઝ પર ફિલ્મો બનાવે છે.
Teşekkür ederim Ali! Pakistan'ın böyle büyük bir şaheseri yayınlaması onurdur. Türk kültürünün ve İslam inancının fantastik bir sergisi.Olağanüstü Türk tarihi boyunca inanılmaz bir yolculuk. Ve evinizden (Türkiye) evinize (Pakistan)geliyor ve burada uzun yıllar eğitim alıyorsunuz https://t.co/N13PNm0l9m
ઇમરાન ખાને તુર્કીની આ એતિહાસિક સીરિઝના ખૂબ વખાણ કર્યા છે અને નિર્દેશ આપ્યો છે કે આ શોની પાંચેય સીઝન ઉર્દૂમાં ડબ કરવી જોઈએ. જેથી સામાન્ય લોકો તેને સરળતાથી સમજી શકે. તુર્કી-પાકિસ્તાન ઈન્ટર પાર્લિયામેન્ટરી ફ્રેન્ડશિપ ગ્રુપના હેડ અને તેના વકીલ અલી સાહિને પીટીવીની આ ઘોષણાની પ્રશંસા કરી છે અને તેના માટે પીએમ ઇમરાન ખાનનો આભાર માન્યો છે.
તમને જણાવી દઈએ કે, આ શો જોવાની અપીલ કરતી વખતે ઇમરાને કહ્યું છે કે, યુવાનો હોલિવૂડ અને બોલિવૂડ જેવા થર્ડ પાર્ટી કાર્યક્રમો જોવાને બદલે આવા ટીવી કાર્યક્રમો દ્વારા ઇસ્લામિક ઇતિહાસ, મૂલ્યો અને સંસ્કૃતિ વિશે શીખી શકશે. ઇમરાન કહે છે કે, બોલિવૂડ અને હોલિવૂડમાં વિદેશી કલ્ચરને પ્રોત્સાહન આપવામાં આવે છે.