પાકિસ્તાને જેલમાં બંધ કુલભૂષણ જાધવને બીજી વાર કોન્સ્યૂલર એક્સેસ આપવાથી ઇનકાર કરી દીધો છે. પાકિસ્તાન વિદેશ મંત્રાલયના પ્રવક્તા ડૉ. મોહમ્મદ ફેસલે કહ્યું કે કુલભૂષણ જાધવને બીજીવાર કોન્સ્યૂલર એક્સેસ મળશે નહીં.
કુલભૂષણ જાધવને પાકની સૈન્ય કોર્ટે સંભળાવી છે મોતની સજા
કુલભૂષણ જાધવ પાકિસ્તાનના ભારે દબાણમાં
વિદેશ મંત્રાલય - જાધવ પર પાકિસ્તાનના ખોટા દાવાઓ માનવા પર દબાણ
કુલભૂષણ જાધવ 2016થી પાકની જેલમાં
કુલભૂષણ જાધવ આંતકવાદ, જાસૂસી અને ગરબડીના આરોપમાં 2016થી પાકિસ્તાનની જેલમાં છે અને 2017માં એમને પાકિસ્તાનની સૈન્ય અદાલતે મોતની સજા સંભળાવી હતી. ભારત કહેતુ રહ્યું છે કે, એમનું ઇરાનથી અપહરણ કરાયું હતું અને પાકિસ્તાનમાં તેમની હાજરીને ક્યારેય પૂરાવા સાથે બતાવાઇ નથી. હેગ સ્થિત આંતરરાષ્ટ્રીય કોર્ટના આદેશ બાદ હાલમાં જ ભારતના ડેપ્યૂટી હાઇ કમિશનર ગૌરવ અહલૂવાલિયા અને જાધવની વચ્ચે મુલાકાત થઇ હતી.
ભારતીય ડેપ્યૂટી હાઇ કમિશનરની કુલભૂષણ સાથે પહેલીવાર મુલાકાત
પાકિસ્તાનમાં ભારતીય ડેપ્યૂટી હાઇ કમિશનર ગૌરવ અહલૂવાલિયાએ ઇસ્લામાબાદમાં કુલભૂષણ જાધવ સાથે પહેલીવાર મુલાકાત કરી હતી. મુલાકાત બાદ વિદેશ મંત્રાલયે એક નિવેદન જાહેર કરી કહ્યું હતું કે અમે વિસ્તૃત રિપોર્ટની રાહ જોઇ રહ્યા છીએ.
કુલભૂષણ જાધવ પાકિસ્તાનના ભારે દબાણમાં
વિદેશ મંત્રાલય તરફથી કહેવામાં આવ્યું હતું કે એક વાત સ્પષ્ટ છે કે કુલભૂષણ જાધવ પાકિસ્તાનના ભારે દબાણમાં છે. વિદેશ મંત્રાલય અનુસાર પાકિસ્તાનના દાવાઓને લઇને કુલભૂષણ જાધવ ભારે દબાણમાં છે.
વિદેશ મંત્રાલયે સ્પષ્ટ કહ્યું હતું કે કુલભૂષણ જાધવ પર પાકિસ્તાનના ખોટા દાવાઓ માનવા પર દબાણ છે. જાણકારી અનુસાર વિદેશ મંત્રાલયે કુલભૂષણ જાધવ સાથે થયેલ વાતચીત વિશે તેમની માતાને પણ અવગત કરવામાં આવ્યા છે.