મર્ડર / પાક.માં જાણીતા હિંદુ ડોક્ટરની રસોડામાં ગળું કાપીને હત્યા કરાઈ, ડ્રાઈવરે જ ખેલી 'ખૂનની હોળી', કારણ પણ આવ્યું

• પાકિસ્તાનમાં હિન્દૂ ડોક્ટરનો થયો મર્ડર
• ડ્રાઈવરે ઘરમાં જ કાપ્યું ડોક્ટરનું ગળું
• હોળીનાં દિવસે બની આ ઘટના

પાકિસ્તાનમાં ફરી એકવાર હિન્દૂનાં મર્ડરનો કિસ્સો સામે આવ્યો છે. હોળીનાં પર્વ પર પાકિસ્તાનનાં સિંધ પ્રાંતમાં એક ડોક્ટરની હત્યાં તેના પોતાના ડ્રાઈવરે કરી દીધી. મંગળવારે ઘરે વળતાં સમયે આ ઘટના બની હતી. ડ્રાઈવર જ્યારે ઘરે પહોંચ્યો ત્યારે તેણે કિચનમાંથી ચાકૂ લીધો અને ઘરની અંદર જ ડોક્ટરનું ગળું કાપીને મર્ડર કર્યું. આવું કર્યાં બાદ આરોપી ડ્રાઈવર ડોક્ટરની જ ગાડી લઈને ફરાર થઈ ગયો છે. સૂત્રો અનુસાર પાકિસ્તાનમાં ડો. રાઠી હૈદ્રાબાદનાં પ્રખ્યાત અને સમ્માનિત ડોક્ટરોમાંના એક હતાં.

ડ્રાઈવર અને ડોક્ટર વચ્ચે રસ્તામાં થયો હતો ઝઘડો
પાકિસ્તાનનાં હૈદ્રાબાદ શહેરનાં રહેનારાં ડો. ધર્મદેવ રાઠીનાં ડ્રાઈવરે મંગળવારે તેમના ઘરે પહોંચ્યાં બાદ તેમના ઘરનાં રસોડામાંથી છરી નિકાળીને ડોક્ટરનું ગળું ચિરી નાખ્યું હતું. આરોપી ડ્રાઈવરનું નામ હનીફ લેઘારી કહેવામાં આવી રહ્યું છે અને પોલીસે આ ઘટનાનાં એક દિવસ બાદ તેની ધરપકડ કરી છે. ડોક્ટરનાં ઘરે જમવાનું બનાવનારાં વ્યક્તિએ પોલીસને જણાવ્યું કે ડોક્ટર અને ડ્રાઈવરની વચ્ચે રસ્તામાં બોલાચાલી થઈ હતી.

હોળી રમવાની વાત પર થયો ઝઘડો
માહિતી અનુસાર ડ્રાઈવર હનીફ લેઘારી ડોક્ટરની હોળી રમવાની વાતથી નારાજ હતો અને તેને લઈને બંનેની વચ્ચે વિવાદ થયો હતો. જેના બાદ તેણે ડોક્ટરનાં ઘરે પહોંચીને મર્ડર કર્યું. ડ્રાઈવરે મંગળવારે તેમના ઘરે પહોંચ્યાં બાદ તેમના ઘરનાં રસોડામાંથી છરી નિકાળીને ડોક્ટરનું ગળું ચિરી નાખ્યું હતું.ડોક્ટર રાઠી સ્કીન સ્પેશિયાલિસ્ટ હતાં અને તેમનું હૈદ્રાબાદમાં પણ ઘણું નામ હતું.