શ્રીલંકાએ પાકિસ્તાનને જીત માટે 171 રનનો ટાર્ગેટ આપ્યો હતો. જેના જવાબમાં પાકિસ્તાન 20 ઓવરમાં 147 રન જ કરી શક્યું હતું. શ્રીલંકાએ પાકિસ્તાનને ઓલ આઉટ કરીને ભવ્ય વિજય મેળવ્યો હતો.
શ્રીલંકાએ છઠ્ઠી વખત એશિયા કપનો ખિતાબ જીત્યો હતો.
શાબાદ ખાન માટે ખરાબ દિવસ
18મી અને 19મી ઓવરમાં એમ બે કેચ છોડ્યા
એશિયા કપ 2022ના ફાઇનલ મુકાબલામાં શ્રીલંકાએ પાકિસ્તાનને 23 રનથી હરાવ્યું હતું. ટૉસ હારીને બેટિંગ કરવા ઉતરેલી શ્રીલંકાની ટીમે શરૂઆત સારી નહોતી કરી, તેમણે એક સમયે 58 રન પર 5 વિકેટ ગુમાવી દીધી હતી. શ્રીલંકાએ પાકિસ્તાનને જીત માટે 171 રનનો ટાર્ગેટ આપ્યો હતો. જેના જવાબમાં પાકિસ્તાન 20 ઓવરમાં 147 રન જ કરી શક્યું હતું. શ્રીલંકાએ પાકિસ્તાનને ઓલ આઉટ કરીને ભવ્ય વિજય મેળવ્યો હતો. આ જીત સાથે શ્રીલંકાએ છઠ્ઠી વખત એશિયા કપનો ખિતાબ જીત્યો હતો.
શાબાદ ખાન માટે ખરાબ દિવસ
પાકિસ્તાની ખેલાડી શાદાબ ખાન માટે એશિયા કપની આ ફાઈનલ મેચ કોઈ ખરાબ સપનાથી ઓછી ન હતી. શાદાબનો ખરાબ દિવસ ત્યારે શરૂ થયો જ્યારે તે એક ઓવરથ્રોને રોકવાની કોશિશ કરતી વખતે પોતાની જાત પરથી નિયંત્રણ ગુમાવીને અને જમીન પર લપસી ગયો હતો. આ સમય દરમિયાન બોલ તેના માથાને લાગી હતી. જો કે મેડિકલ ટેસ્ટ પછી શાદાબ ફરી રમવા માટે તૈયાર થયો હતો.
બે કેચ છોડ્યા
એક સમય એવો હતો જ્યારે મેચ પાકિસ્તાનના નિયંત્રણમાં જણાતી હતી પણ એ સમયે શાદાબ ખાને 18મી ઓવરમાં હારીસ રૌફના ત્રીજા બોલ પર ભાનુકા રાજપક્ષેનો એક ખૂબ જ મહત્વપૂર્ણ કેચ છોડ્યો હતો. તે સમયે ભાનુકા રાજપક્ષે 45 રન પર રમી રહ્યા હતા. જો કે એ પછી શાબાદે બીજો એક કેચ પણ છોડ્યો હતો. બીજો કેચ પકડતી વખતે તેના સાથી ખેલાડી આસિફ અલી સાથે ટકરાયો હતો. આ ઘટના ઇનિંગની 19મી ઓવરમાં બની હતી.
આસિફ અલી સાથે થઈ ટક્કર
19 મી ઓવરમાં મોહમ્મદ હસનૈનના છઠ્ઠા બોલ પર ભાનુકા રાજપક્ષે ડીપ મિડવિકેટ પર મોટો શોટ રમ્યો હતો. આ કેચ પકડવા માટે આસિફ અલી અને શાદાબ ખાન દોડી રહ્યા હતા. એ કેચ આસિફ પકડતો હતો પણ આ દરમિયાન શાદાબ પણ જોશમાં આવી ગયો અને તેણે ડાઈવિંગ કરીને કેચ પકડવાનો પ્રયાસ કર્યો. અંતમાં થયું એવું કે બંને ખેલાડીઓ ટકરાયા અને બોલ પણ બાઉન્ડ્રીની બહાર જતી રહી હતી જેને કારણે રાજપક્ષેને છ રન મળ્યા હતા. ડાઈવિંગ કરીને કેચ પકડવાનો પ્રયાસને કારણે જમીન પર પડતા શાદાબને આ દરમિયાન ગરદન પાસે ઈજા થઈ હતી અને મેચ થોડા સમય માટે બંધ થઈ ગઈ હતી.