ઝારખંડમાં એક આત્મહત્યાનો મામલો સામે આવ્યો છે. જેમાં એક રેલ્વે ટ્રેક પર એક યુવકે આત્મહત્યા કરી લીધી છે. ત્યારે હાલમાં પોલીસે આ મામલે તપાસ હાથ ધરી છે.
ઝારખંડના લોહરદગામાં એક યુવકે ટ્રેન નીચે આવી આત્મહત્યા કરી
રાંચી-લોહરદગા પેસેન્જર ટ્રેન આગળ પડતું મુકીને યુવકે કરી આત્મહત્યા
પોલીસે ગુનો નોંધી તપાસ હાથ ધરી
ઝારખંડમાં ટ્રેનની નીચે કપાઈને એક યુવકે આત્મહત્યા કરી લીધી છે. ત્યારે આ ઘટનામાં છોકરાને ટ્રેન નીચે આવીને કપાઈ જવાનો હ્રદયદ્રાવક વીડિયો સોશ્યિલ મીડિયામાં વાયરલ થઈ રહ્યો છે. ત્યારે તમને જણાવી દઈએ કે રાંચી-લોહરદગા પેસેન્જર ટ્રેન આગળ આવીને એક 20 વર્ષીય યુવકે કૂદીને આત્મહત્યા કરી લીધી છે. ત્યારે યુવકની ઓળખ વિધિ કરતા યુવક બિહારનાં ભાગલપુર કે પીરપૈતી ચાલીમાં રહે છે અને તેનું નામ પિન્ટું મંડલ છે. મૃતક પિન્ટુ મંડલ એક મહિના પડેલા જ લોહરદગાથી જીલ્લાની એક પ્રાઈવેટ કંપનીમાં કામ કરી રહ્યો હતો. ત્યારે આત્મહત્યાનું કારણ હજુ જાણવા મળ્યું નથી.
આત્મહત્યાનું કારણ જાણવા મળ્યું નથી
છોકરાની આત્મહત્યાનું કારણ હજુ સુધી બહાર આવ્યું નથી. હાલ તો લોહરદગા પોલીસે આ મામલે તપાસ શરૂ કરી છે. વાસ્તવમાં આ ઘટના લોહરદગા જિલ્લાની છે. જ્યાં શનિવારે સાંજે સાડા ચાર વાગ્યે ટ્રેન નોકરીએ રાંચીથી લોહરદગા આવી રહી હતી. દરમિયાન, ઇરગાંવ સ્ટેશનથી આગળ, તે ખાખપરટા ગામ પાસેથી પસાર થઈ રહ્યો હતો, તે જ સમયે પિન્ટુ મંડલ ટ્રેક પર આવ્યો અને ટ્રેન તરફ આગળ વધવા લાગ્યો. પિન્ટુને ટ્રેક પર ચાલતો જોઈને રાંચી-લોહરદગા પેસેન્જર ટ્રેનના લોકો પાયલટે હોર્ન વગાડ્યો. પરંતુ યુવક અટક્યો નહીં.
મહિલાનું પણ ટ્રેનની અડફેટે આવી જતા મોત નિપજ્યું હતું
જાણવા મળતી માહિતી મુજબ આ ઘટના પહેલા પણ લોહરદગા જિલ્લાના કૈરો પોલીસ સ્ટેશન વિસ્તાર હેઠળના નાગજુઆ સ્ટેશન પર લોહરદગાથી રાંચી જતી RL-2 ટ્રેનની ટક્કરથી એક મહિલાનું કચડાઈને મોત થયું હતું. જ્યાં મહિલાની ઓળખ લોહરદગા જિલ્લાના સેન્હા પોલીસ સ્ટેશન વિસ્તાર હેઠળના ટંગરા ટોલી ગામની રહેવાસી તુના ઉરાંની પત્ની બારાતી ઉરાં (50) તરીકે થઈ છે. રેલ્વે ટ્રેક ક્રોસ કરતી વખતે તેણીને ટ્રેનની અડફેટે આવી હતી, જેના કારણે તેણીનું ઘટનાસ્થળે જ મૃત્યુ થયું હતું.