ગજબ કહેવાય / બે યુવતીઓએ કરી એવી જીદ કે ટૉસ ઉછાળીને પસંદ કરવી પડી દુલ્હન, જાણો ક્યાનો છે આ કિસ્સો

• લગ્ન માટે જીદે ચઢી બે યુવતીઓ 
• એક જ દુલ્હો હતો પસંદ 
• ટૉસ ઉછાળીને કર્યો નિર્ણય

લગ્ન પહેલા પરિવારની પરવાનગી અને યુવક-યુવતીની સેહમતિ જરૂરી છે પરંતુ કર્ણાટકમાં ટોસ દ્વારા એક લગ્ન નક્કી કરવામાં આવ્યા. ઘટના કર્ણાટકના અલુર તાલુકાના એક ગામની છે. જ્યાં એક યુવકનું બે યુવતીઓ સાથે અફેર ચાલવાના કારણે લગ્ન પહેલા મુશ્કેલી થઈ ગઈ હતી. લગ્નના થોડા જ સમય પહેલા બન્ને યુવતીઓ પહોંચી ગઈ અને પોત પોતાની માંગ પર અડગ રહી. આખરે ગામના લોકોએ આ સમસ્યાનું સમાધાન લાવવા માટે ટોસનો સહારો લીધો. 

બન્ને યુવતીઓ જીદ પર અડી ગઈ
બન્ને યુવતીઓ એ વાતને લઈને અડગ રહી કે યુવકના લગ્ન ફક્ત તેની સાથે જ થશે. ગામના લોકોએ ખૂબ સમજાવવાનો પ્રયત્ન કર્યો પરંતુ બન્નેમાંથી કોઈ પણ માનવા તૈયાર ન હતું. અહીં સુધી કે એક યુવતીએ તો આત્મહત્યા કરવાનો પ્રયત્ન પણ કર્યો. આખરે ગામના લોકોએ ભેગા થયા અને તે એ નિર્ણય પર પહોંચ્યા કે દુલ્હો કઈ યુવતીનો થશે તે હવે ટોસ નક્કી કરશે. 

યુવકને માર્યા થપ્પડ 
ટોસ પહેલા એવી પણ શરતો રાખવામાં આવી હતી કે પહેલા એક બોન્ડ પેપર પર ત્રણ લોકોની સાઈન કરવાની રહેશે અને જે પણ નિર્ણય થશે તેને માનવો પડશે. બધી પ્રક્રિયા બાદ જ્યારે ટોસ કરવામાં આવ્યો તો યુવકે છેલ્લે પોતાની ઈચ્છા જાહેર કરી દીધી. જે યુવતીએ આત્મહત્યા કરવાનો પ્રયત્ન કર્યો હતો યુવક તેને ભેટી પડ્યો. આ હરકતને જોતા બીજી યુવતીથી રહી ન શકાયુ અને તેણે યુવકને જોરદાર લાફો મારી દીધો. તેની સાથે જ નિર્મણ કરવામાં આવ્યો કે યુવક કઈ યુવતી સાથે લગ્ન કરશે અને ટોસ કરવાની જરૂર ન પડી.