પાકિસ્તાનમાં ગર્ભનિરોધકો પર ટેક્સ લેવા બાબતે વિપક્ષે ઇમરાનખાન પર સાધ્યુ નિશાન, કહ્યું, સરકારનું આ પગલું નિરાશાજનક
ઇમરાનખાન પર વિપક્ષે કર્યા પ્રહાર
ગર્ભનિરોધકો પર ટેક્સ લેવા બાબતે લીધા આડેહાથ
ખેલાડી પાસે આવી અપેક્ષા ન હતી- બિલાવલ ભુટ્ટો
પાકિસ્તાનના વડા પ્રધાન ઇમરાન ખાન પર ફરી એકવાર વિપક્ષે નિશાન સાધ્યુ છે. કારણ કે કોન્ડમ પર ટેક્સ કેમ લગાવવાનો. પાકિસ્તાન પીપલ્સ પાર્ટીના અધ્યક્ષ બિલાવલ ભુટ્ટો ઝરદારીએ આ મુદ્દે ઇમરાન ખાન પર કટાક્ષ કર્યો. સંસદમાં તેમણે જણાવ્યું કે ઇમરાન જેવા ખેલાડી પાસેથી કોન્ડમ પર ટેક્સ લાગે તેવી અપેક્ષા નહોતી. વધતી જતી વસ્તીનો ઉલ્લેખ કરતાં બિલાવલે કહ્યું હતું કે, સરકારનું આ પગલું નિરાશાજનક છે.
'ગર્ભનિરોધકો મજાકની વાત નથી'
એક ખાનગી વેબસાઇટમાં જણાવ્યાનુસાર પાકિસ્તાનની નેશનલ એસેમ્બલીમાં બિલાવાલે મિની બજેટમાં કોન્ડોમ પર વધુ ટેક્સ લાદવાની દરખાસ્ત બદલ સરકારની ઝાટકણી કાઢી હતી. તેઓએ જણાવ્યુ કે ,'સ્પીકર સાહેબ, હવે ગર્ભનિરોધકો પર પણ કર લાદવામાં આવ્યો છે. મને આશા નહોતી કે ઇમરાન ખાન જેવા ખેલાડી કોન્ડોમ પર પણ ટેક્સ લગાવી શકે'. તેમણે વધુમાં જણાવ્યું હતું કે, ગર્ભનિરોધકો મજાકનો વિષય નથી, પાકિસ્તાન, બાંગ્લાદેશ જેવા દેશો વધતી વસ્તીનો સામનો કરી રહ્યા છે. આ બાબતે ગંભીરતાથી વિચારવાને બદલે તેના પર કર લાદવો તદ્દન ખોટી બાબત છે.
એસેમ્બ્લીમાં બિલાવાલે જણાવ્યુ હતુ કે પાકિસ્તાનમાં વસ્તી નિયંત્રણ માટે ગર્ભનિરોધક મહત્વપૂર્ણ છે પરંતુ સરકારે તેની કિંમતો પર ફરીથી વિચાર કરવો જોઇએ. એક તરફ પાકિસ્તાનમાં સરકાર લોકોની મૂળભૂત જરુરિયાતો સંતોષી શકતી નથી, યુવાનોને રોજગારી આપી શકતી નથી અને ગર્ભનિરોધકો પર ટેક્સ લગાવે છે. ગર્ભનિરોધકો બાબતે વિશ્વભરના લોકો સારામાં સારુ કામ કરી રહ્યા છે. આ બાબતે અન્ય દેશો વિચારી રહ્યા છે અને ઇમરાન સરકાર તેના પર ટેક્સ લગાવે છે.
શું ઇમરાનખાન સાયકલ દ્વારા ઓફિસ જશે ?
પાકિસ્તાન પીપલ્સ પાર્ટીના પ્રમુખે એવી પણ આશા વ્યક્ત કરી હતી કે ઇમરાન ખાન પ્રચાર રેલીઓમાં જેમ કરતા હતા તેવી રીતે હવે પણ તેઓ સાઇકલ પર જ કાર્યાલય જાયા.મહત્વનુ છે કે ઈમરાન ખાને સત્તામાં આવતા પહેલા 'નવા પાકિસ્તાન'નું વચન આપ્યું હતું, પરંતુ તેમની સરકારમાં પાકિસ્તાન પહેલા કરતા પણ ખરાબ સ્થિતિમાં પહોંચી ગયું છે. પાકિસ્તાન આર્થિક રીતે એટલુ નબળુ થઇ ગયુ છે હવે બીજા સામે હાથ લંબાયા સિવાય છૂટકો નથી.