ગુજ'રાજ' 2022 / VIDEO: વ્યક્તિગત જવાબ આપવા હું બંધાયેલો નથી: પક્ષપલટો કરનાર ઉમેદવારે સ્થાનિકને જુઓ શું કહ્યું

ભાજપના ઉમેદવાર અશ્વિન કોટવાલનો વિરોધ
જોરાવરનગર ગામે સ્થાનિકોએ કર્યો વિરોધ
ઉમેદવાર વિરૂદ્ધ સ્થાનિકોમાં રોષ

ગુજરત વિધાનસભા મતદાનની તારીખો નજીક આવી રહી છે તેમ તેમ રાજકીય માહોલ ગરમાયો છે. આક્ષેપ અને નવિદેનબાજીઓ તેમજ પક્ષ પલટાના પવનો ફૂંકાઈ રહ્યાં છે આ બધાની વચ્ચે ક્યાંક ચૂંટણી બહિષ્કારના પણ સૂર ઉઠ્યાં છે તો ક્યાંક ઉમેદવાર સામે વિરોધનો વીડિયો પણ સામે આવ્યો છે. ખેડબ્રહ્મા બેઠકના ભાજપ ઉમેદવારનો વીડિયો વાયરલ થયો છે. જેમાં વિજયનગરના જોરાવરનગર ગામે સ્થાનિકોએ વિરોધ કર્યો છે. જુઓ આ વીડિયો...

અશ્વિન કોટવાલના વિરોધનો વીડિયો
ખેડબ્રહ્મા વિધાનસભાના ભાજપના ઉમેદવારનો વીડિયો વાયરલ થયો છે. જેમાં વિજયનગરના જોરાવરનગર ગામે સ્થાનિકોએ વિરોધ કર્યો છે. સ્થાનિકો દ્વારા અશ્વિન કોટવાલના વિરોધ કર્યો છે. જે વીડિયોમાં સ્થાનિકો નેતાજીને પ્રશ્ન પૂછી રહ્યા છે કે, કોરોનામાં કેમ મદદ કરી શક્યા નથી. ગામમાં વિકાસના કામો ન થયા હોવાની સ્થાનિકો દ્વારા જણાવવામાં આવી રહ્યું છે. 

અશ્વિન કોટવાલનો સ્થાનિકોને જવાબ
રોષે ભરાયેલા સ્થાનિકોને પક્ષપલટો કરનાર ઉમેદવાર અશ્વિન કોટવાલે જવાબ આપ્યો હતો કે, તમારા વ્યક્તિગત જવાબ આપવા માટે બંધાયેલો નથી. તેમણે કહ્યું કે, ગામ લોકોએ મત આપવા હશે તો મને મત આપશે.