બદલાવ / નવો નિયમ: હવે વર્ષે 15 જ ગેસ સિલિન્ડર મળશે, જાણો એક મહિનાનો કોટા કેટલો: રિપોર્ટમાં દાવો

• વર્ષમાં માત્ર 15 LPG ગેસ સિલિન્ડર મળશે 
• મહીના બે સિલિન્ડરની લીમીટ 
• ગેસ સિલિન્ડર મોંઘા થવાની શક્યતા 

વર્ષમાં માત્ર 15 LPG ગેસ સિલિન્ડર મળશે 

હવે LPG  ગેસ  સિલિન્ડરની સંખ્યા ગ્રાહકો માટે ફિક્સ થઇ ગઈ છે. નવા નિયમો અનુસાર, હવે ગ્રાહક એક વર્ષમાં માત્ર 15  સિલિન્ડર જ ખરીદી શકશે. આ ઉપરાંત ગ્રાહક માત્ર મહિનામાં બે  સિલિન્ડર જ લઇ શકશે. ગ્રાહકોને  2 કરતા વધારે  સિલિન્ડર નહીં મળે. અત્યાર સુધી સિલિન્ડર માટે મહિના કે વર્ષની લીમીટ નક્કી ન હતી. 

નવા નિયમના હિસાબે હવે વર્ષમાં સબસીડીવાળા 12 સિલીન્ડરની સંખ્યા 12 જ હશે. તેનાથી વધારે જો તમે  સિલિન્ડર ખરીદો છો, તો તેના પર સબસીડી નહીં મળે. વધારાના  સિલિન્ડર ગ્રાહકોએ સબસીડી વગર જ ખરીદવા પડશે. 

આ કારણે આવ્યો નવો નિયમ 
રીપોર્ટ અનુસાર, રાશનિંગ માટે સોફ્ટવેરમાં બદલાવ કરવામાં આવ્યા છે. આ નિયમ લાગ થઇ ચુક્યા છે. ખાસ વાત એ છે કે આ નિયમ એટલા માટે લાગુ થયો કેમકે ઘણા સમયથી ફરિયાદ હતી કે ડોમેસ્ટિક બિન-સબસિડીવાળી રિફિલ કોમર્શિયલ કરતા સસ્તી હોવાથી અહીં તેનો વધુ ઉપયોગ થતો હતો, જે કારણે સિલીન્ડર પર રાશનિંગ કરવામાં આવ્યું છે. 

મોંઘા થઇ શકે છે સિલીન્ડર 
1 ઓક્ટોબરથી એલપીજીની કિંમત વધી શકે છે. 1 ઓક્ટોબરના રોજ થનારી કિંમતોની સમીક્ષામાં નેચરલ ગેસનાં ભાવ વધારી શકાય છે. સરકાર દ્વારા દર 6 મહિનામાં એકવાર ગેસના ભાવ નક્કી કરવામાં આવે છે. સરકાર દર વર્ષે 1 એપ્રિલ અને 1 ઓક્ટોબરે આવું કરે છે. આ સિવાય સીએનજીની કિંમતમાં પણ વધારો થઈ શકે છે. LPG અને CNG નેચરલ ગેસમાંથી જ બનાવવામાં આવે છે.