ક્રેનમાં 12 દિવસથી યુદ્ધ લડી રહેલા રશિયાની સામે સુપરપાવર અમેરિકાએ એક મોટી કાર્યવાહી કરી છે.
અમેરિકાની રશિયા પર વધુ એક કાર્યવાહી
પ્રેસિડન્ટ જો બાયડને લગાવ્યો મોટો પ્રતિબંધ
રશિયાની ક્રૂડ આયાત પર પ્રતિબંધ મૂક્યો
અમેરિકાના બાયડન સરકારે રશિયાની સામે મોટી કાર્યવાહી કરીને તેને આર્થિક ઝટકો આપ્યો છે. અમેરિકન સરકારે રશિયાની તેલ, કુદરતી ગેસ અને કોલસાની આયાત પર પ્રતિબંધ મૂકવાનો નિર્ણય કર્યો છે. યુક્રેનના યુદ્ધ લડી રહેલા રશિયાને અમેરિકાના આ નિર્ણયથી મોટો ઝટકો લાગ્યો છે. રશિયા અને યુક્રેન યુદ્ધના 12મા દિવસે કાર્યવાહી કરી છે.
US President Joe Biden to ban Russia oil imports, toughening toll on Russian economy in retaliation for invasion of Ukraine, reports AP
એસોસિએટેડ પ્રેસના જણાવ્યાનુસાર, અમેરિકી રાષ્ટ્રપતિ બાયડને યુક્ર પર એટેકના બદલામાં રશિયાની ઈકોનોમી પર ટોલને મજબૂત કરતા રશિયન તેલ આયાત પર પ્રતિબંધ મૂકવાનો નિર્ણય કર્યો છે. યુક્રેન પર હુમલા બાદ રશિયાની સામે ઘણા દેશોએ ગાળિયા કસવાનું શરુ કર્યું છે જોકે તેમ છતાં પણ રશિયા ડગ્યું નથી અને યુક્રેનમાં ખૂબ પ્રચંડતાથી યુદ્ધ લડી રહ્યું છે.
કોલસા અને નેચરલ ગેસની આયાત પણ બંધ કરવાનો અમેરિકાનો નિર્ણય
યુક્રેનના રાષ્ટ્રપતિ વોલોદિમીર ઝેલેન્સ્કીએ અમેરિકા અને અન્ય પશ્ચિમી અધિકારીઓને રશિયા પાસેથી ક્રૂડ ઓઇલની આયાત બંધ કરવાની વિનંતી કરી હતી. જેને જોતા અમેરિકાએ રશિયા પર દબાણ લાવવા માટે કાચા તેલની સાથે સાથે કોલસા અને નેચરલ ગેસની આયાત બંધ કરવાનો પણ નિર્ણય કર્યો છે.
એનર્જી સેક્ટરની દિગગ્જ કંપની શેલે રશિયા પાસેથી ક્રુડ ઓઈલ અને કુદરતી ગેસની ખરીદી બંધ કરવાની પણ જાહેરાત કરી છે. શેલ દ્વારા જારી એક નિવેદનમાં કહેવાયું કે રશિયા પાસેથી તબક્કાવાર ક્રુડ ઓઈલ, પેટ્રોલિયમ ઉત્પાદ, કુદરતી ગેસની ખરીદી બંધ કરવાનો અમારો વિચાર છે.
રશિયાની ઈકોનોમીને તગડા ઝટકા આપવા તૈયાર અમેરિકા
અમેરિકાએ રશિયા સામે સીધી કાર્યવાહી તો કરી નથી પરંતુ તેને ઈકોનોમીને ઝટકા આપવા માટે જાતજાતના પ્રતિબંધો લગાવી રહી છે. અમેરિકાને આશા છે કે આ રીતે રશિયા નબળું પડી જશે પરંતુ રશિયાને આવી કાર્યવાહીથી કોઈ ફર્ક પડતો નથી.