અમેરિકાના રાષ્ટ્રપતિ ડોનાલ્ડ ટ્રમ્પ અમદાવાદની મુલાકાતે આવી રહ્યાં છે. જેને લઇ અમદાવાદ શહેરને દુલ્હનની જેમ શણગારાયું છે. ત્યારે કરોડોના ખર્ચે રાતો રાત ગ્રીન સ્પેસ બનાવી દેવાયું છે.
કેમ છો ટ્ર્મ્પ !
તંત્રની તડામાર તૈયારી
રાતો રાત 3 કરોડના ખર્ચે ગ્રીન સ્પેસ બનાવવામાં આવ્યું
વિદેશી મહેમાનોને અમદાવાદ ગ્રીન અને હરિયાળું લાગે તે માટે કોર્પોરેશન દ્વારા 3 કરોડ 68 લાખના ખર્ચે ગ્રીન સ્પેસ ઉભુ કરવામાં આવી રહી છે. એરપોર્ટથી લઇ ચીમનભાઈ પટેલ બ્રિજ અને ત્યાંથી મોટેરા સ્ટેડિયમ સુધી નારિયેળીના ઝાડથી ગ્રીનરી ઉભી કરવામાં આવી છે. આ સાથે જ અન્ય આસપાસના વિસ્તારોમાં ટ્રી પ્લાન્ટેશન પણ કરવામાં આવ્યું છે. આ વૃક્ષો જોતા દુબઇ જેવી જ અનુભૂતિ થાય છે.
અમદાવાદમાં ચાંપતો બંદોબસ્ત
અમદાવાદ એરપોર્ટ પર PM મોદી ટ્રમ્પનું સ્વાગત કરશે. એરપોર્ટથી બંને નેતાઓ ગાંધી આશ્રમ જશે. બાદમાં રિવરફ્રન્ટથી રોડ શો યોજાશે. તો PM મોદી અને ટ્રમ્પ મોટેરા સ્ટેડિયમની મુલાકાત લેશે. જ્યાં અંદાજિત 1.20 લાખ લોકો મોટેરા સ્ટેડિયમમાં હાજર રહેશે. તો સાથે જ 28 અલગ-અલગ સ્થળો પર પાર્કિંગ વ્યવસ્થા કરાઇ છે. જ્યારે ટ્રમ્પના આગમનને લઇ લોખંડી સુરક્ષા વ્યવસ્થા ગોઠવવામાં આવી છે. અલગ અલગ વિભાગમાં બંદોબસ્ત ગોઠવવામાં આવશે. જેમાં સિક્રેટ સર્વિસ અને IB હાજર રહેશે. તો SPG, NSG અને ગુજરાત પોલીસ રહેશે ખડેપગે. જેમાં 25 IPS, 65 ACP, 200 PI, 800 PSI અને 10 હજાર પોલીસકર્મીઓ તૈનાત રહેશે.
અમદાવાદમાં યોજાશે કેમ છો ટ્રમ્પ કાર્યક્રમ
આપને જણાવી દઇએ કે, અમેરિકાના રાષ્ટ્રપતિ ડોનાલ્ડ ટ્રમ્પ આગામી 24-25 ફેબ્રુઆરીના રોજ ભારત યાત્રા પર આવી રહ્યા છે. આ દરમિયાન અમદાવાદના મોટેરા સ્ટેડિયમ ખાતે કેમ છો ટ્રમ્પ નામનો કાર્યક્રમ યોજાવાના છે.
PM મોદી તથા ટ્રમ્પ મોટેરા સ્ટેડિયમનું કરશે ઉદ્ઘાટન
ઉલ્લેખનીય છે કે, ડોનાલ્ડ ટ્રમ્પ મોટેરા સ્ટેડિયમનું 4 વાગ્યે ઉદ્ધાટન કરશે. મોટેરા સ્ટેડિયમ ખાતે 2 કલાકનો કાર્યક્રમ રહેશે. ડોનાલ્ડ ટ્રમ્પને ગુજરાતના લોક સંગીત અને સંસ્કૃતિની ઝાંખી બતાવાશે. ડોનાલ્ડ ટ્રમ્પ ગુજરાતના દાંડિયા રાસ નિહાળશે. જેની રમતગમત મંત્રાલયને જવાબદારી સોંપવામાં આવી છે.
અમદાવાદમાં યોજાશે રંગારંગ કાર્યક્રમ
રંગારંગ કાર્યક્રમમાં ભારતના દિગ્ગજ ક્રિકેટરો પણ આવશે. સૌરવ ગાંગુલી, સચિન તેંડુલકર, કપીલ દેવ, સુનિલ ગાવસ્કર, ઈરફાન પઠાણ, પાર્થિવ પટેલને આમંત્રણ આપવામાં આવશે. વિશ્વનું સૌથી મોટું ક્રિકેટ સ્ટેડિયમ તૈયાર થઇ ગયું છે.
હયાત હોટલમાં ટ્રમ્પ કરશે રોકાણ
ટ્રમ્પ વસ્ત્રાપુરની હયાત હોટેલમાં રોકાણ કરશે. જયારે ટ્રમ્પના કાફલાને આશ્રમ રોડની હયાતમાં સ્થાન આપવામાં આવશે. આથી હયાત હોટેલમાં બુકિંગ બંધ કરવામાં આવ્યુ છે. હયાતમાં 22થી 26 ફેબ્રુઆરી સુધી વસ્ત્રાપુર-ઉસ્માનપુરાની હયાત હોટેલમાં બુકિંગ બંધ કરવામાં આવ્યુ છે.