5 એપ્રિલ 2022 એટલે કે આજે એકવાર ફરી 80-80 પૈસા પ્રતિ લીટરનો વધારો કરવામાં આવ્યો છે. જાણો વિગતવાર
પેટ્રોલ ડીઝલનાં ભાવમાં વધારો
અત્યાર સુધી 14માંથી 12 દિવસ વધારો જોવા મળ્યો
ક્રૂડ ઓઈલનાં ભાવ પણ વધ્યા
પેટ્રોલ ડીઝલનાં ભાવમાં વધારો
પેટ્રોલ અને ડીઝલની કિંમતોમાં વધારો કાયમ છે. મંગળવાર એટલે કે 5 એપ્રિલના રોજ સવારે 6 વાગ્યાથી ફ્યુઅલનાં ભાવમાં એકવાર ફરી 80-80 પૈસા પ્રતિ લીટરનો વધારો કરવામાં આવ્યો છે. વધારા બાદ રાજધાની દિલ્હીમાં એક લીટર પેટ્રોલની કિંમત 104.61 રૂપિયા પ્રતિ લીટર અને ડીઝલની કિંમત 95.87 રૂપિયા પ્રતિ લીટર જોવા મળી છે.
દેશમાં 137 દિવસોના વિરામ બાદ 22 માર્ચ 2022થી પેટ્રોલ અને ડીઝલનાં ભાવમાં વધારાની શરૂઆત થઇ. ત્યારથી પેટ્રોલ અને ડીઝલના ભાવમાં અત્યાર સુધી 14માંથી 12 દિવસ વધારો જોવા મળ્યો છે. પેટ્રોલ-ડીઝલની મોંઘવારીથી રાહત મળવાની આશા નથી. આનું કારણ છે ઓઈલ કંપનીઓ, 137 દિવસના વિરામ દરમિયાન થયેલા ભારે નુકસાનનું વળતર મેળવવામાં લાગેલ છે. એ સમયે કાચા તેલના ભાવ ઊંચા હતા અને દેશમાં 5 રાજ્યોનાં વિધાનસભા ઇલેકશન અને અન્ય કારણોસર ફ્યુઅલનાં ભાવ ન વધ્યા. હવે કંપનીઓ નુકસાનનું પૂરું વળતર મેળવવાની કોશિશ કરી રહી છે.
ટાંકી ફૂલ કરાવી, તો કેમ થશે બચત?
ક્રિસિલ રિસર્ચનાં એક રિપોર્ટમાં કહેવામાં આવ્યું છે કે ઓઈલ માર્કેટિંગ કંપનીઓનાં નુક્સાના વળતર માટે પેટ્રોલ-ડીઝલની કિંમતોમાં 15 થી 20 રૂપિયાનો વધારો કરવો પડશે. 22 માર્ચથી શરુ થયેલા આ વધારાને કારણે અત્યાર સુધી 13 ઇન્સ્ટોલમેંટમાં પેટ્રોલ અને ડીઝલ બંને 9.20 રૂપિયા પ્રતિ લીટર મોંઘા થઇ ગયા છે. પેટ્રોલની કિંમતમાં 13 ઇન્સ્ટોલમેંટમાં ક્રમશઃ 80, 80, 80, 80, 50, 30, 80, 80, 80, 80, 80, 40 અને 80 પૈસાનો વધારો થયો છે. જો માંની લઈએ કે પેટ્રોલની કિંમતમાં હજુ 12 દિવસ વધારો થશે તો આ 80 પૈસાના હિસાબે 12 દિવસમાં પેટ્રોલ લગભગ 10 રૂપિયા મોંઘુ થઇ જશે. આવામાં 12 દિવસ બાદ તમને 40 લીટર ટેંક કેપેસિટીની ગાડીની ટાંકી ફૂલ કરાવવા લગભગ 400 રૂપિયા એક્સ્ટ્રા આપવા પડશે. જો તમે અત્યારે કારની ટાંકી ફૂલ કરાવો છો, તો તમારા 400 રૂપિયા બચી જશે.
તેલ કંપનીઓને નુકસાન
ફ્યુઅલ કિંમતોમાં 4 નવેમ્બર 2021થી લઈને 21 માર્ચ 2022 એટલે કે 137 દિવસ સુધી કોઈ વધારો ન થવાથી પેટ્રોલિયમ કંપની ઇન્ડિયન ઓઈલ, એચપીસીએલ અને બીપીસીએલને 19,000 કરોડ રૂપિયાનું નુકસાન વેઠવું પડ્યું છે. ઇન્ડિયન ઓઈલને 1 અરબથી લઈને 1.1 અરબ ડોલર, બીપીસીએલ અને એચપીસીએલ પ્રત્યેકને 55 થી લઈને 65 કરોડ ડોલરનું નુકસાન વેઠવું પડ્યું છે.
કાચા તેલની કિંમતો
આજે એટલે કે 5 એપ્રિલના રોજ પેટ્રોલ અને ડીઝલની કિંમતોમાં 80-80 પૈસા પ્રતિ લીટરનો વધારો કરવામાં આવ્યો છે. ત્યાર બાદ દિલ્હીમાં એક લીટર પેટ્રોલની કિંમત 104.61 રૂપિયા પ્રતિ લીટર અને ડીઝલના ભાવ 95.87 રૂપિયા પ્રતિ લીટર છે. જ્યાં સુધી કાચા તેલની કિંમતોની વાત છે, તો સોમવારે ભાવમાં વધારો જોવામાં આવ્યો હતો. આંતરરાષ્ટ્રીય બજારમાં બ્રેંટ ક્રુડ 3.12 ડોલર પ્રતિ બેરલની છલાંગ મારીને 107.52 ડોલર પ્રતિ બેરલ પહોંચી ગયા હતા. આ જ પ્રકારે ડબ્લ્યૂટીઆઈ ક્રૂડ પણ 4.03 ડોલર પ્રતિ બેરલની છલાંગ લગાવીને 103.30 ડોલર પર પહોંચ્યા હતા.