અમદાવાદ / ગુજરાત યુનિવર્સિટીમાં ABVPના કાર્યક્રમમાં યુનિવર્સિટીના કર્મચારીઓ હાજર રહેતા NSUIનો વિરોધ

• ગુજરાત યુનિવર્સિટીમાં NSUI દ્વારા વિરોધ
• યુનિ.ના સ્ટાફનો રાજકીય કાર્યક્રમમાં ઉપયોગ
• રાજકીય કાર્યક્રમમાં ઉપયોગ થતા વિરોધ

ગુજરાત યુનિવર્સિટીમાં ABVPના કાર્યક્રમમાં યુનિવર્સિટીના કર્મચારીઓ અને પ્રોફેસર હાજર રહેતા NSUIના કાર્યકરોએ વિરોધ નોંધાવ્યો હતો. NSUI દ્વારા ગુજરાત યુનિવર્સિટીમાં ભારે સુત્રોચાર કરી નારા લગાવી ABVPના કાર્યક્રમમાં હજાર રહેલા કર્મચારીઓનો વિરોધ કરાયો હતો. 

અમદાવાદમાં ગુજરાત યુનિવર્સિટીમાં NSUIના દેખાવો

અમદાવાદમાં ABVPના કાર્યક્રમમાં યુનિવર્સિટી પદાધિકારીઓ હાજર NSUIએ દેખાવો કર્યા હતા. NSUIએ આક્ષેપ કરતા કહ્યું કે યુનિવર્સિટી સ્ટાફ અને પ્રોપર્ટીનો રાજકીય કાર્યક્રમમાં ઉપયોગ કરવામાં આવી રહ્યો છે જેનો NSUI વિરોધ કરે છે. એટલું જ વિરોધ કરવા આવેલા NSUIના કાર્યકરોએ એ યુનિવર્સિટીના પદાધિકારીઓને દલાલ ગણાવ્યા હતા. મહત્વનું છે કે ABVPના કાર્યક્રમમાં સેક્શન ઓફિસર વિમલ ઉપાધ્યાય સહિત સ્કૂલ ઓફ સાયન્સના 7 પ્રોફેસર, સ્કૂલ ઓફ લૉના પ્રોફેસર પણ હાજર રહ્યા હતા.

ABVP કાર્યક્રમમાં ઉપસ્થિત રહેનાર કર્મચારીઓનો વિરોધ

યુનિવર્સિટીમાં કોઈ પણ પ્રકારના ભાડા વગર કાર્યક્રમ કરવા દેવાની મંજૂરી આપવા આવતા NSUIએ ભારે સુચ્ચોચાર કર્યો હતો. આ ઉપરાંત ઉપકુલપતિ આવતા NSUIએ ભાજપના દલાલના નારા લગાવ્યા હતા. NSUIના વિરોધ દરમિયાન રજુઆત માટે ઉપકુલપતિ જગદીશ ભાવસાર આવ્યા હતા. ત્યારે જગદીશ ભાવસારના નામના નારા સાથે જગદીશ ભાવસાર ભાજપના દલાલ જેવા નારા લાગ્યા હતા. નારા લાગતા જ જગદીશ ભાવસાર ત્યાંથી નીકળી ગયા હતા.જે બાદ પણ VC લોબીમાં NSUI એ વિરોધ ચાલુ જ રાખ્યો હતો. VC લોબીમાં NSUI એ રાજકીય પક્ષના દલાલ અને ABVPના દલાલ લખેલા પોસ્ટર લગાવ્યા છે.

યુનિવર્સિટીની પ્રોપર્ટીમાં રાજકીય કાર્યક્રમની મંજૂરીનો વિરોધ

અહીં ઉલ્લેખનિય છે કે ગઈકાલે ABVPના સિંહ ગર્જના કાર્યક્રમમાં ગુજરાત યુનિવર્સિટીના સેક્શન ઓફિસર વિમલ ઉપાધ્યાય અને અલગ અલગ વિભાગના ફેકલ્ટી હાજર રહ્યા હતા.રાજકીય કાર્યક્રમમાં સરકારી કર્મચારીઓ હાજર રહેતા NSUIએ ગુજરાત યુનિવર્સિટીના કુલપતિ,ઉપકુલપતિ અને કર્મચારીઓનો વિરોધ કર્યો હતો. NSUI દ્વારા ABVPના કાર્યક્રમમાં હાજર રહેલા કર્મચારીઓને સસ્પેન્ડ કરવાની માંગણી કરવામાં આવી હતી.ગુજરાત યુનિવર્સિટીની પ્રોપર્ટીમાં રાજકીય કાર્યક્રમની મંજૂરી અપાતા તેનો વિરોધ કરવામાં આવ્યો હતો.તેમજ ABVPના કાર્યક્રમમાં ઉપસ્થિત રહેનાર કર્મચારીઓને સસ્પેન્ડ કરવા આવે માગ તેવી NSUIએ માંગ કરી હતી.