દુનિયાની સૌથી મોટી સોશ્યલ મિડીયા પ્લેટફોર્મ કંપની ફેસબૂક લોકોને પૈસા કમાવવાની તક આપી રહ્યું છે. ફેસબૂક ઇંકે ગુરુવારે કહ્યું કે તે પોતાના પ્લેટફોર્મ પર કન્ટેન્ટ ક્રિએટર્સને એડ દ્વારા પૈસા કમાવવાની તક આપશે.
કંપનીએ પોતાના બ્લોગમાં જણાવ્યું કે તે હવે કન્ટેન્ટ ક્રિએટર્સને પૈસા કમાવવાનો મોકો આપશે. તે સિવાય ફેસબૂકે જણાવ્યું કે બીજી કઇ રીતો છે જેના થકી તમે પૈસા કમાઇ શકો છો.
એક મિનીટના વીડિયોમાં મળશે પૈસા
કંપની હવે સોશ્યલ નેટવર્ક પર કન્ટેન્ટ ક્રિએટર્સ માટે વિકલ્પ વધારી રહી છે. શરત તે છે કે આ એક મિનીટના વીડિયોમાં ઓછામાં ઓછી 30 સેકન્ડની એડ ચાલવી જોઇએ જ્યારે 3 મિનીટ કે તેનાથી વધારે સમયના વીડિયોમાં 45 સેકન્ડની એડ ચાલવી જોઇએ. હવે લોકો ફેસબૂકથી પણ કમાઇ શકશે.
કંપનીએ કહ્યું કે યુઝર કે પેજ છેલ્લા 60 દિવસ સુધી તેના વીડિયોમાં કુલ 6 લાખ વ્યુઝ લાવશે તો તેને આ તકનો લાભ મળશે. લાઇવ વીડિયોને પણ 60000 મિનીટ સુધી જોવો જરૂરી છે. કંપની ઇન્સ્ટાગ્રામ પર પણ વીડિયો વચ્ચે એડ બતાવે છે હવે તેને લઇને તે નવો પ્રયોગ કરી રહી છે.