અનેકવાર સરકાર દ્વારા વાહનોમાં HSRPનાંખવા બાબતે મુદ્દતો આપવામાં આવી છે. તેમ છતાં તેનું કામ પુરુ નથી થયું. ત્યારે RTO દ્વારા આ કામને ઝડપથી પુરુ કરવા માટે કામગીરી હાથ ધરી છે. જેને પગલે લોકોનાં ઘરે જઈ HSRP નાંખવાની સુવિધા RTO દ્વારા પૂરા પાડવામાં આવશે.
RTO ગામડામાં જઈને HSRPની સેવા આપશે
ટાર્ગેટ પુરો કરવામાં 1 વર્ષ જેટલો સમય લાગશે
RTO સ્થાનીક તંત્ર સાથે કોઓડિનેટ કરી HSRPની કામગીરી કરશે
ગ્રામ્યમાં ઘર આંગણે મળશે આ સુવિધા
જૂનાં અને નવાં દરેક વાહનોમાં હવે હાઈસિક્યોરિટી રજિસ્ટ્રેશન પ્લેટ (HSRP) ફરજિયાત થઈ છે. અત્યાર સુધીમાં સરકારે 10 વખત મુદ્દત વધારી છતાં હજુ પણ અમદાવાદ જિલ્લામાં 5 લાખથી વધુ વાહનો HSRP વિનાનાં ફરી રહ્યા છે. જયારે રાજ્યભરનાં મોટા ભાગનાં જિલ્લાઓની પણ આ જ હાલત છે. ત્યારે આ ટાર્ગેટને જલ્દી પૂરો કરવા અને લોકોને ઘરઆંગણે સુવિધા આપવાના ઉદ્દેશથી હવે આરટીઓ ગ્રામ્ય અને તાલુકા કક્ષાએ જઈને લોકોને રજિસ્ટ્રેશન પ્લેટ ફિટ કરી આપશે.
RTO જો આ સુવિધા આપે તો પણ 1 વર્ષ લાગે ટાર્ગેટ પુરો કરતાં
આ માટે ચાલું મહિનામાં જે તે તાલુકા અને ગામડામાં માં HSRP માટેનાં કેમ્પ માટે લોકલ ઓથોરિટી સાથે મળીને તારીખ સ્થળ અને સમય નક્કી કરી આપવામાં આવશે. આ માટે નોડલ ઓફિસરની પણ નિમણૂક પણ કરી દેવામાં આવી છે. અમદાવાદ જિલ્લાનાં ધંધુકા ,સાણંદ, ધોળકા, દસ્ક્રોઈ, દહેગામ સહિતનાં તાલુકાઓમાં તબક્કાવાર કેમ્પનું આયોજન કરવામાં આવશે .એક અંદાઝ મુજબ આરટીઓમાં રોજની 925 થી વધુ પ્લેટ ફિટ કરાય તો 1 વર્ષમાં ટાર્ગેટ પૂરો થાય.
આટલાં ડોક્યુમેન્ટ સાથે રાખવા પડશે
અમદાવાદ જિલ્લામાં હજુ અંદાજિત 5 લાખ જેટલા વાહનોમાં HSRP ફિટ કરવાની બાકી છે. જે તે ગ્રામ્ય અને તાલુકા કક્ષાની સરકારી કચેરી માં આ અંગેના કેમ્પની માહિતી ધરાવતા બોર્ડ લગાવવામાં આવશે અરજદાર વાહન માલિકે તેની સાથે આધારકાર્ડ , RC બુક રાખવાનાં રહેશે ,ટુ વ્હિલર હોય તો રૂ. 140 ફી થ્રી વ્હિલર હોય તો રૂ. 180 ફી, કાર હોય તો રૂ. 400 ફી,અન્ય હેવી વાહનની રૂપિયા 420 ફી ભરવાની રહેશે