IPLIN
 

PM Modi / હવે એક દિવસની રજા લઈ લો સર! PM મોદીને શુભકામના પાઠવી શાહરુખે કર્યા વખાણ, જુઓ શું કહ્યું

Team VTV 03:12 PM, 17 Sep 22
Follow us
Now take a day off sir! Shah Rukh praised PM Modi by wishing him

બોલિવૂડના બાદશાહ શાહરૂખ ખાને અલગ જ અંદાજ પ્રધાનમંત્રીને શુભેચ્છા પાઠવી.

  • બૉલીવુડના કિંગ ખાને પીએમ મોદીને ખાસ રીતે અભિનંદન પાઠવ્યા
  • શાહરૂખ ખાનની આ પોસ્ટ સોશિયલ મીડિયા પર વાયરલ
  • કંગનાએ પણ કર્યા વખાણ 

આજે પ્રધાનમંત્રી નરેન્દ્ર મોદીનો જન્મદિવસ છે, તેઓ આજે 72 વર્ષના થઈ ગયા છે. પીએમ મોદીનું નામ દેશના જ નહીં, પણ દુનિયાના શીર્ષ નેતાઓમાં સામેલ છે. તેમના જન્મદિવસ પર લોકો તેમને શુભકામનાઓ આપી રહ્યા છે. દેશ-દુનિયાના તમામ નેતાઓ તેમને જન્મદિવસની શભકામનાઓ આપી રહ્યા છે. ટ્વીટર પર તેમનો જન્મદિવસ ટ્રેન્ડ કરી રહ્યો છે. આ દરમિયાન તેમની પાર્ટીના નેતાઓની સાથે સાથે વિપક્ષી પાર્ટીઓના નેતાઓ  પણ તેમને બર્થ ડે વિશ કરી રહ્યા છે. એવામાં બૉલીવુડના સ્ટાર કેવી રીતે પાછળ રહી શકે? બૉલીવુડના કિંગ ખાને પીએમ મોદીને ખાસ રીતે અભિનંદન પાઠવ્યા છે. શાહરૂખ ખાનની આ પોસ્ટ સોશિયલ મીડિયા પર વાયરલ થઈ રહી છે. 

બૉલીવુડના બાદશાહે પીએમ મોદીને શુભેચ્છા પાઠવી
સામાન્ય લોકોથી લઈને બોલિવૂડ સેલેબ્સ સુધી દરેક પીએમ મોદીને જન્મદિવસની શુભેચ્છા પાઠવી રહ્યા છે. બોલિવૂડના બાદશાહ શાહરૂખ ખાને અલગ જ અંદાજ પ્રધાનમંત્રીને શુભેચ્છા પાઠવતા લખ્યું હતું કે, ' 'આપણા દેશ અને તેના લોકોના કલ્યાણ માટે તમારું સમર્પણ ખૂબ જ પ્રશંસનીય છે. તમારા પાસે તમારા બધા લક્ષ્યોને પ્રાપ્ત કરવા માટે શક્તિ અને સ્વાસ્થ્ય હોય એવી આશા. એક દિવસની રજા લો અને તમારા જન્મદિવસનો આનંદ માણો, સર. જન્મ દિવસની ખૂબ ખૂબ શુભકામના.'

કંગનાએ પણ કર્યા વખાણ 
ઘણા બોલિવૂડ સેલેબ્સ એ પીએમ મોદીને જન્મદિવસની શુભેચ્છા પાઠવી છે.  એવામાં વિવાદિત નિવેદનોને લઈને ચર્ચામાં રહેતી કંગના રનૌતે પણ પીએમ મોદી સાથેની એક તસવીર શેર કરતા લખ્યું હતું કે,' બાળપણમાં રેલ્વે પ્લેટફોર્મ પર ચા વેચવાથી લઈને આ ગ્રહના સૌથી શક્તિશાળી વ્યક્તિ બનવા સુધીની તક, કેટલી અવિશ્વસનીય સફર છે. અમે તમારા લાંબા આયુષ્યની પ્રાથના કરીએ છીએ, પણ રામની જેમ, કૃષ્ણની જેમ, ગાંધીની જેમ, તમે અમર છો. તમારા વારસાને કોઈ ભૂંસી શકતું નથી, તેથી જ હું તમને અવતાર કહું છું... તમને અમારા નેતા તરીકે મેળવીને અમે ધન્ય થયા છીએ.'

પીએમ મોદી PM મોદી શાહરુખ ખાન Shah Rukh Khan PM modi
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ