દંડ / અમદાવાદમાં જાહેર રસ્તા પર થુંકનારના ઘરે 100 રૂપિયાનો મેમો ફટકારાયો, AMCનો નવો નિયમ...

શહેરમાં AMC દ્વારા સીસીટીવી લગાવવામાં આવ્યા છે. જેમાં કોઇ પણ નાગરિક જાહેર રસ્તા પર કે ફૂટપાથ પર થુંકશે તો તે સીસીટીવી કેમેરામાં ઝડપાઇ જશે. ત્યારબાદ તેને મેમો મોકલવામાં આવશે અને તેને 100 રૂપિયાનો દંડ ભરવો પડશે. જેને લઇને જાહેરમાં થુંકનાર વ્યક્તિ સીસીટીવીમાં ઝડપાઇ જતા તેને 100 રૂપિયાનો મેમો ફટકારાયો છે.

જો તમે સતત ત્રણ વખત કરતા વધુ રસ્તા પર થુંકશો તો દંડને વધારીને દસ ગણી વસૂલવામાં આવશે. સાથે હવે AMCની ટીમે પાન મસાલાની દુકાનો પાસે થુંકેલુ હશે તો દુકાનદાર પાસેથી દંડ વસૂલવામાં આવશે.

કઇ રીતે પકડાશે થુંકનાર?
અમદાવાદ મ્યુનિસિપાસની યોજના અનુસાર જે કોઇ પણ વ્યક્તિ જાહેર રસ્તા પર થુંકશે તો તેને જે તે સ્થળ પર પકડી પાડીને મેમો આપવામાં આવશે. જો થુંકનાર ટી વ્હીલર કે ફોર વ્હીલર હશે તો તેના વાહનના નાંબરના આધારે તેમના ઘરે મેમો મોકલવામાં આવશે. ત્યારબાદ જે તે વ્યક્તિએ મ્યુનિ. સિવિક સેન્ટરોમાં જઇ દંડ ભરવાનો રહેશે.

મહત્વનું છે કે વીટીવી ન્યૂઝ દ્વારા અગાઉ પણ આ મામલે શહેરની જનતાને ચેતવવામાં આવી હતી. એએમસી દ્વારા આવી રહેલ કાયદા વીશે માહિતી પણ આપવામાં આવી હતી.