દિવાળીના અવસરે જો તમારે ગેસ બુકિંગ કરાવવાનું છે તો તમને મોટી રાહત મળી શકે છે. જો તમે ઓનલાઈન ગેસનું બુકિંગ કરાવો છો તો તમે સસ્તામાં બુકિંગ કરાવી શકો છો. અમેઝોન પર ગ્રાહકોને એલપીજીના સિલિન્ડરના બુકિંગમાં 50 રૂપિયાની છૂટ આપવામાં આવી રહી છે.
દિવાળીમાં કરાવો ઓનલાઈન ગેસ બુકિંગ
ગ્રાહકોને મળશે ઓનલાઈન બુકિંગમાં 50 રૂપિયાનો ફાયદો
જાણો બુકિંગની સરળ પ્રોસેસ અને મેળવો ફાયદો
ઈન્ડેન કંપનીએ ટ્વિટ કરીને ગ્રાહકોને આ માટેની જાણકારી આપી છે. ગ્રાહકોને પહેલાં બુકિંગ પર કેશબેકની સુવિધા મળશે. કંપનીએ ટ્વિટમાં લખ્યું છે કે રસોઈ ગેસને ગ્રાહકો હવે અમેઝન પેની મદદથી એલપીજી સિલિન્ડરનું બુકિંગ કરાવી શકે છે અને ઈન્ડેન રિફિલની મદદથી ઓનલાઈન પેમેન્ટ કરી શકાય છે. સાથે કંપનીએ કહ્યું કે અમેઝન પેની મદદથી પહેલીવાર સિલિન્ડર બુક કરીને અને પેમેન્ટ કરવા માટે ગ્રાહકોને 50 રૂપિયાનું કેશબેક મળશે. કંપનીએ કહ્યું કે આ કેશબેક ફક્ત 1 વાર માટે છે.
આ માટે તમારે અમેઝોન એપના પેમેન્ટ ઓપ્શનમાં જવાનું રહેશે, પછી ગેસ પ્રોવાઈડરને પસંદ કરો અને રજિસ્ટર્ડ મોબાઈલ નંબર કે એલપીજી નંબર એડ કરો. હવે અમેઝોન પેની મદદથી પેમેન્ટ કરો. ઈન્ડેન રસોઈ ગેસના ગ્રાહકોને માટે ગેસ સિલિન્ડર બુકિંગ કે નવો નંબર જાહેર કરાશે. એલપીજીના ગ્રાહકોને તેમના રજિસ્ટર્ડ મોબાઈલ નંબર પર ગેસ બુકિંગ કરવા માટે નવો નંબર મોકલાયો છે. તેની મદદથી તમે ગેસ રિફિલ માટે સિલિન્ડર બુક કરાવી શકો છો.
ઈન્ડિયન ઓઈલની તરફથી જાહેર કરાયેલા નંબરનો ઉપયોગ ઈન્ડેનના દેશભરના ગ્રાહકો આઈવીઆર કે એસએમએસની મદદથી ગેસ બુકિંગ માટે કરી શકાય છે. ઈન્ડિયન ઓઈલે કહ્યું કે પહેલાં રસોઈ ગેસ બુકિંગ માટે દેશના અલગ અલગ સર્કલના અલગ અલગ નંબર રહેતા હતા. હવે દેશની સૌથી મોટી પેટ્રોલિયમ કંપનીએ પણ દરેક સર્કલ માટે 1 નંબર જાહેર કર્યો છે. હવે ઈન્ડેન ગેસના દેશભરના ગ્રાહકોને એલપીજી સિલિન્ડર બુક કરાવવા માટે 7718955555 પર ફોન કે એસએમએસ કરવાનો રહેશે.