મહારાષ્ટ્ર / આખરે NCPએ ભાજપને બદલે શિવસેના સાથે જવાનું કેમ પસંદ કર્યુ, પવારે કર્યો ખુલાસો

• શરદ પવારે PM મોદીનો પ્રસ્તાવ નકારવાનું આપ્યું કારણ
• ભાજપની તુલનામાં શિવસેના સાથે કામ કરવાનું મુશ્કેલ નથીઃ પવાર
• ત્રણેય પાર્ટીમાં વૈચારિક મતભેદ છે પણ સંપૂર્ણ સમજદારી છે

મહારાષ્ટ્રમાં ઉદ્ધવ ઠાકરેની આગેવાનીવાળી શિવસેના, NCP, કોંગ્રેસ સરકારના વડા રહેલા શરદ પવારે પીએમ મોદીના તાજેતરના ઇન્ટરવ્યૂમાં અજિત પવારના બળવો સહિતના તમામ પ્રશ્નોના જવાબ આપ્યા હતા. એનસીપીના વડાએ ભાજપ ઉપર શિવસેનાને કેમ પસંદ કરવાનું કારણ સમજાવ્યું. પવારે કહ્યું કે શિવસેના સાથે જોડાણ ભાજપ જેટલું મુશ્કેલ નથી. તેમણે કબૂલ્યું હતું કે ભત્રીજા અજિત પવારની પાર્ટી ઉપર પકડ મજબૂત છે, પરંતુ તેઓ ડેપ્યુટી બનશે કે કેમ તેનો જવાબ મુખ્યમંત્રીએ આપવાનો ઇનકાર કર્યો હતો.

NCP ચીફ શરદ પવારે કહ્યું કે ભાજપ સાથેના જોડાણની તુલનામાં શિવસેના સાથે જોડાણ 'મુશ્કેલ નથી'. તેમણે કહ્યું હતું કે મહારાષ્ટ્રમાં કોંગ્રેસ સાથે જે રીતે વાટાઘાટો ચાલી રહી છે તેનાથી તેમના ભત્રીજા અજિત પવારે પાર્ટી સાથે બળવો કર્યો હતો કારણ કે તેઓ 'સંપૂર્ણ રીતે નારાજ' હતા.

શિવસેનાની વિચારધારા અલગ છે પરંતુ ગઠબંધનમાં સમજદારી 

ધર્મનિરપેક્ષ કોંગ્રેસ-એનસીપી અને શિવસેના વચ્ચેના જોડાણમાં કેન્દ્રીય ભૂમિકા ભજવનારા પવારે જણાવ્યું હતું કે, ગઠબંધન વચ્ચે વિચારધારાના સ્તરે અલગ હોવા છતાં ગઠબંધન વચ્ચે 'સંપૂર્ણ સમજણ' હતી. તેમણે વિશ્વાસ વ્યક્ત કર્યો કે ઉદ્ધવ ઠાકરેની અધ્યક્ષતાવાળી મહારાષ્ટ્ર સરકાર તેનો કાર્યકાળ પૂર્ણ કરશે.

PM મોદીએ આપ્યો હતો સાથે આવવાનો પ્રસ્તાવ

પીએમ મોદીની સાથે પોતાની વાતચીતને વિશે પવારે જણાવ્યું કે તેઓએ પીએમને કહ્યું કે તેમને માટે હવે ભાજપની સાથે વાત કરવાનું સંભવ નથી. તેઓએ કહ્યું કે અમારા માટે ભાજપની તુલનામાં શિવસેનાની સાથે કામ કરવું સરળ રહેશે. અમે હવે ભાજપનો માર્ગ પકડી શકીશું નહીં.

કોંગ્રેસની સાથે વાતચીતમાં નાખુશ થયા અજિતઃ પવાર

ભાજપની સાથે અજિત પવારે હાથ મિલાવવા વિશે પૂછ્યું ત્યારે શરદ પવારે કહ્યું કે તેઓ અમારી વચ્ચેની ચર્ચામાં વચ્ચેથી જ જતા રહ્યા હતા. કોંગ્રેસ અને અમારી વચ્ચેની વાતચીતથી તેઓ બહુ ખુશ ન હતા. એ સ્થિતિમાં તેઓએ આવો નિર્ણય લીધો હતો.

અજિત ડેપ્યુટી સીએમ બનશે કે નહીં તેને લઈને ન કર્યો ખુલાસો

દેવેન્દ્ર ફડણવીસે 23 નવેમ્બરની સવારે મહારાષ્ટ્રના મુખ્યમંત્રી પદના શપથ લીધા અને અજીત પવાર ઉપમુખ્યમંત્રી બન્યા હતા. પવારે કહ્યું તેઓને લાગ્યું કે આ નિર્ણય યોગ્ય નથી, માટે અન્ય દિવસે સવારે આવ્યા અને સૌથી અલગ થઈ ગયા. તેઓએ કહ્યું કે એનસીપીમાં તેમના ભત્રીજાની પકડ સારી છે  પરંતુ આ વાતને જણાવવાનો ઈનકાર કર્યો કે મહારાષ્ટ્રની નવી સરકારમાં તેમના ભત્રીજાને ઉપમુખ્યમંત્રીનું પદ મળશે કે નહીં.