નોરા ફતેહી એન્ટરટેઈનમેન્ટ ઈન્ડસ્ટ્રીની ડાન્સિંગ ક્વીન છે. તેના ડાન્સના લાખો દીવાના છે. સ્ટેજ હોય કે પછી સ્ક્રીન જ્યારે નોરા ડાન્સ કરે છે તો તેના પરથી નજર હટતી નથી. હવે નોરા ડાન્સ દીવાને જૂનિયર્સ શોમાં જજ તરીકે જોવા મળશે.
નોરા ફતેહીના ડાન્સના લાખો દીવાના
નોરાએ ટિપ ટિપ બરસા પાની ગીત પર કર્યો ડાન્સ
નોરાથી સાથે એક બાળકી પણ કરી રહી છે ડાન્સ
નોરા ફતેહીએ કર્યો સુંદર ડાન્સ
શોનો એક પ્રોમો વાયરલ થઇ રહ્યો છે. જેમાં નોરા ટિપ ટિપ બરસા પાની ગીત પર ડાન્સ કરી રહી છે. વીડિયોમાં જોઇ શકાય છે કે નોરા શિક્ષક બનીને બાળકોને ભણાવી રહી છે. આ દરમ્યાન નોરા પીળા રંગની સાડીમાં સુંદર દેખાઈ રહી છે ત્યારે અચાનક ટિપ ટિપ બરસા પાની ગીત શરૂ થાય છે, જેના પર બાળકી ડાન્સ કરી રહી છે અને જોતજોતામાં ક્લાસ ડાન્સ ફ્લોરમાં બદલાઈ જાય છે. નોરા પણ હોટ લુકમાં આ ગીત પર ડાન્સ કરી રહી છે. નોરાનો આ ડાન્સ વીડિયો ઈન્ટરનેટ પર ધૂમ મચાવી રહ્યો છે.
ડાન્સ દીવાને જૂનિયર્સ શોને નોરા ફતેહીની સાથે નીતુ કપૂર અને મર્જી પેસ્તોનજી પણ જજ કરશે. આ શોમાં 4 થી 14 વર્ષના બાળકો તેના ડાન્સનુ હૂનર બતાવશે. આ બાળકો સોલો, ડુએટ અથવા પછી ગ્રુપમાં ડાન્સ પર્ફોમ કરશે. આ રિયાલિટી ડાન્સ શોનુ પ્રીમિયર કલર્સ ચેનલ પર હશે. મહત્વનું છે કે, આની પહેલા નોરા ફતેહી ઈન્ડિયાઝ બેસ્ટ ડાન્સર શોને જજ કરતી જોવા મળી હતી. આ શોને ગીતા કપૂર અને ટેરેન્ટ લુઇસની સાથે મલાઈકા અરોડા જજ કરતી હતી. પરંતુ કોવિડ સમયમાં મલાઈકા કોરોનાથી સંક્રમિત થઇ હતી. ત્યારબાદ નોરાએ તેની જગ્યાએ શોને થોડા સમય માટે જજ કર્યો હતો.