બાળકનું આધાર કાર્ડ બનાવવા માટે જો તમારી પાસે માતા પિતા સાથે સંબંધ દર્શાવતો ડોક્યૂમેન્ટ હશે તો પણ આધાર કાર્ડ સરળતાથી બની જશે.
આધાર કાર્ડ એ સરકારના સૌથી મહત્વપૂર્ણ દસ્તાવેજોમાંથી એક છે
બાળકો માટે આધારકાર્ડ બનાવતા પહેલાં માતાપિતાના મનમાં અનેક પ્રકારના પ્રશ્નો ઉદભવે છે\
આ સરળ રીતથી બનાવો તમારા બાળકનું આધાર કાર્ડ
આધાર કાર્ડ એ સરકારના સૌથી મહત્વપૂર્ણ દસ્તાવેજોમાંથી એક છે. યુનિક આઈડેન્ટિફિકેશન ઓથોરિટી ઓફ ઈન્ડિયા (યુઆઇડીએઆઇ) દ્વારા જારી કરાયેલા આધાર કાર્ડમાં યુઝરની બાયોમેટ્રિક અને ડેમોગ્રાફિક જાણકારીઓ રેકોર્ડ કરવામાં આવે છે. આધારના મહત્વનો અંદાજ એ પરથી લગાવી શકાય છે કે બાળકના સ્કૂલમાં પ્રવેશથી લઈને તમામ સરકારી યોજનાઓમાં તેની જરૂર પડે છે.
યુઆઈડીએઆઈ દ્વારા બાળકો માટે પણ આધારકાર્ડ આપવામાં આવે છે. બાળકો માટે આધારકાર્ડ બનાવતા પહેલાં માતાપિતાના મનમાં અનેક પ્રકારના પ્રશ્નો ઉદભવે છે. એવો જ એક પ્રશ્ન એ છે કે બાળકનું આધારકાર્ડ બનાવતા પહેલાં કયા દસ્તાવેજો જરૂરી છે. હકીકતમાં, 5 વર્ષથી ઓછી ઉંમરના બાળકો અને 5થી 15 વર્ષની વયના બાળકો માટે આધાર કાર્ડ બનાવવા માટે વિવિધ દસ્તાવેજોની જરૂર પડે છે. પરંતુ જો તમારી પાસે માતા પિતા સાથે સંબંધ દર્શાવતો ડોક્યૂમેન્ટ હશે તો પણ બાળકનું આધાર કાર્ડ સરળતાથી બની જશે.
માતાપિતા અથવા વાલીના સંબંધ દર્શાવતા દસ્તાવેજો જેમ કે બાળકનું જન્મ પ્રમાણપત્ર હોવું જોઈએ અથવા હોસ્પિટલ દ્વારા જારી કરાયેલ ડિસ્ચાર્જ કાર્ડ અને રિસીપ્ટ હોવી જોઈએ. બાળકના આધાર-સંબંધિત ડેટામાં બાયોમેટ્રિક માહિતી જેમ કે ફિંગર પ્રિન્ટ અને આઇરિસ સ્કેન પાંચ વર્ષથી વધુની ઉંમર થયા પછી અપડેટ કરવાનું રહેશે. 15 વર્ષની ઉંમરે આ માહિતી ફરીથી અપડેટ કરવામાં આવે છે. તમને જણાવી દઈએ કે, યુઆઈડીએઆઈ હવે પીવીસી આધારકાર્ડ જારી કરી રહી છે. આ નવું કાર્ડ સાઈઝમાં નાનું અને સલામત છે. જૂના પ્લાસ્ટિક બેઝ કાર્ડ કરતા આ કાર્ડની ગુણવત્તા વધુ સારી છે.