રાજ્યભરમાં હાલ ખેલ મહાકુંભ ચાલી રહ્યો છે ત્યારે વિકલાંગો પણ તેમાંથી બાકાત રહેવા માગતા નથી. ત્યારે વડોદરા શહેર અને જિલ્લાના વિકલાંગો માટે વિવિધ સ્પર્ધાઓનું આયોજન કરવામાં આવ્યું હતું.
હાલ રાજ્યભરમાં ખેલમહાકુંભ ખેલાઇ રહ્યો છે ત્યારે દરેક વ્યક્તિ તેમાં ભાગ લઇને પોતાનું નામ તેની સાથે જોડવાનો પ્રયાસ કરી રહ્યો છે. ત્યારે સોસાયટી ફોર ધ ફીઝીકલી હેન્ડીકેપ્ટ દ્વારા વિકલાંગો માટે ખાસ અને અનોખા ખેલ મહાકુંભ-2013નું આયોજન કરવામાં આવ્યું છે. જેમાં વડોદરા શહેર અને જિલ્લાના 400 જેટલા વિકલાંગોએ વિવિધ રમતોમાં પોતાનું કૌવત બતાવ્યું હતું. અને વિકલાંગોએ રાજ્ય સરકાર સાથે મળીને કરેલા સંસ્થાના આ પ્રયાસને સરાહનીય ગણાવ્યો હતો.
વડોદરાની એમ એસ યુનિવર્સિટી પેવેલિયન ખાતે યોજાયેલા વિશીષ્ટાંગ ખેલ મહાકુંભમાં તીરંદાજી ગોળા ફેંક ભાલા ફેક ચક્ર ફેક ટ્રાઇસિકલ રેસ અને વ્હીલચેર રેસ જેવી રમતોમાં વિંકલાગોએ પોતાનો હાથ અજમાવ્યો હતો.
રાજ્ય સરકારના ખેલમહાકુંભના આયોજન થકી વિકલાંગોને પણ પોતાની આવડતને રજૂ કરવાની તક સાંપડે છે.