IPL 2017: આજે દિલ્લી અને હૈદરાબાદ વચ્ચે ટક્કર

ઈન્ડિયન પ્રીમિયર લીગમાં આજે સનરાઈઝર્સ હૈદરાબાદનો મુકાબલો પ્રવાસી દિલ્લી ડેર ડેવિલ્સ સામે થશે. વોર્નરની કેપ્ટન્સી હેઠળની ડિફેન્ડિંગ ચેમ્પિયન હૈદરાબાદની ટીમે તેની આખરી મેચમાં કિંગ્સ ઈલેવન પંજાબ સામે પાંચ રનથી રોમાંચક વિજય મેળવ્યો હતો. 

ઘરઆંગણાની આ જીત બાદ હવે તેઓ દિલ્લીને પછાડવા માટે ઉત્સુક છે. જ્યારે ઝહીરની આગેવાની હેઠળની દિલ્હીની ટીમ કોલકાતા સામેની હારના આંચકામાંથી બહાર આવીને જીતવાનો પ્રયાસ કરશે. રાત્રે 8.00 વાગ્યાથી હૈદરાબાદમાં મેચનો પ્રારંભ થશે.

રાજકોટમાં રમાયેલી ટી-20માં બેંગ્લોરે ગુજરાતને 21 રનથી પરાજય આપ્યો. વિન્ડિઝના દિગ્ગજ બેટ્સમેન ક્રિસ ગેલે ટ્વેન્ટી-20માં 10 000 રનના વિશ્વવિક્રમી માઈલસ્ટોનને પાર કર્યા બાદ સાત છગ્ગા અને પાંચ ચોગ્ગા સાથે 77 તેમજ વિરાટ કોહલીએ 50 બોલમાં 64 રન ફટકાર્યા. ગુજરાત તરફથી ઈશાન કિશને 16 બોલમાં બે ચોગ્ગા અને ચાર છગ્ગા સાથે 39 રન ઝૂડયા હતા. રાજકોટમાં રમાયેલી મેચમાં કુલ 25 છગ્ગા અને 29 ચોગ્ગા નોંધાયા હતા. ગુજરાતનો આ સિઝનમાં પાંચમી મેચમાં આ ચોથો પરાજય હતો. જ્યારે બેંગ્લોરને તેની છઠ્ઠી મેચમાં બીજી જીત મળી હતી.